Ladki Bahin Yojana: लाडक्या बहीण योजनेचा हफ्ता आतापर्यंत किती महिलांच्या खात्यात? मंत्र्यांनी आकडाच सांगितला!

मुंबई : मुख्यमंत्री माझी लाडकी बहीण योजनेचा पहिल्या हप्ता लाभार्थी देण्यास सुरुवात झाली आहे. सरकारकडून आतापर्यंत ८० लाखांपेक्षा अधिक लाभार्थी महिलांना पहिला हप्ता दिला आहे, अशी माहिती महिला व बालविकास मंत्री अदिती तटकरे यांनी दिली.

'१४ ऑगस्टपासून लाभ देण्याची प्रक्रिया सुरू करण्यात आली आहे. सरकारकडून राज्यातील ८० लाख महिलांच्या बँक खात्यात २ महिन्यांच्या लाभाची रक्कम ३ हजार रुपये जमा करण्यात आली आहे. तर उर्वरित पात्र लाभार्थी महिलांना १७ ऑगस्ट पर्यंत हा लाभ मिळणार आहे, अशी माहिती तटकरे यांनी दिली.