VIDEO: Bhushi Dam परिसरातील दुकानांवर कारवाई, व्यावसायिकांकडून संताप व्यक्त

भुशी धरण पायऱ्यांच्या दुतर्फा रेल्वेच्या जागेमध्ये असलेल्या टपऱ्या जमीनदोस्त करण्यात आल्या होत्या. रेल्वे प्रशासन आणि लोणावळा नगरपरिषद यांच्या वतीने ही संयुक्त कारवाई करण्यात आली होती . व्यवसायिकांना कोणत्याही प्रकारच्या पूर्व सूचना न देता जेसीबी मशीनच्या सहाय्याने दुकाने तोडण्यात आली आहेत. यामुळे नागरिकांचे मोठ्या प्रमाणात नुकसान झाले आहे. विनंती करून देखील दुकानांमधील साहित्य काढण्यासाठी व्यवसायकांना वेळ देण्यात आला नाही. यावर नागरिकांकडून संताप व्यक्त केला जात आहे. पावसाळी काळात व्यवसायीक भुशी धरण परिसरात हंगामी व्यवसाय करतात. परंतु गेल्या ४० वर्षापासून अशा प्रकारची कारवाई झाली नव्हती. यामुळे येथील व्यावसायिकांचे लाखो रुपयांचे नुकसान झाले. प्रशासनाने नुकसानाची भरपाई द्यावी अशी मागणी व्यावसायिकांकडून केली जात आहे.