Karul Ghat Landslide: मोठी बातमी! करुळ घाटात दरड कोसळली.

सिंधुदुर्ग: सिंधुदुर्गमधून एक मोठी बातमी समोर आली आहे. पावसाळ्यात अनेक ठिकाणी मुसळधार पावसामुळे दरडी कोसळण्याच्या घटना घडत असतात. वैभववाडी तालुक्यात देखील 2 दिवसांपासून मुसळधार पाऊस सुरु आहे. सिंधुदुर्गमधील वैभववाडी तालुक्यातील करुळ घाटात देखील काल सायंकाळी दरड कोसळली आहे. सर्व माती रस्त्यावर आल्याने रस्ता वाहतुकीसाठी बंद झाला आहे. सध्या रस्त्यावरील माती हटविण्याचे काम सुरु आहे. डोंगराचा भाग रस्त्यावर आल्याने नव्याने बांधण्यात आलेले संरक्षक कठडे देखील तुटले आहेत.