Special Report : त्या 45 मिनीटांनी बारामतीचं वारं फिरणार? स्ट्रॉंगरुमचे कॅमेरे बंद! आत घडलं तरी काय?

राज्यात लोकसभा निवडणुकीचे चौथ्या टप्प्यातील मतदान सुरु असताना बारामतीतून एक धक्कादायक माहिती समोर आली आहे. बारामती लोकसभेसाठी 7 मे रोजी मतदान पार पडले होते. त्यानंतर बारामतीमधील सर्व मतदान केंद्रांवरील ईव्हीएम मशीन्स या एका गोदामातील स्ट्राँग रुममध्ये ठेवण्यात आल्या होत्या. ईव्हीएम मशीन्स (EVM Machine) असलेल्या या स्ट्राँग रुमवर सीसीटीव्ही कॅमेऱ्यांच्या माध्यमातून निगराणी ठेवली जात आहे. मात्र, सोमवारी सकाळी या स्ट्राँग रुमचे बाहेरच्या मॉनिटरवर दिसणारे सीसीटीव्ही फुटेज अचानक बंद झाल्याची घटना घडली. त्यामुळे शरद पवार गटाचे कार्यकर्ते आक्रमक झाले आहेत.