Video: शाळा सुरु झाल्या.. तरही 44 लाख विद्यार्थी गणवेशाविनाच...

शाळा सुरू झाल्या... मुलांचे जल्लोषात स्वागत करण्यात आले...मात्र शाळेच्या पहिल्या दिवशी गणवेश देण्याचा शब्द देणाऱ्या शासनाने दीड महिना उलटला तरीही गणवेश दिला नाही. राज्यातील काही शाळा वगळता ६५ हजार शाळांमधील पहिली ते आठवीपर्यंतच्या ४४ लाख ६० हजार विद्यार्थ्यांना जुन्याच गणवेशावर स्वातंत्र दिन साजरा करावा लागणार असल्याचे दिसते आहे. कापड आले असे सांगितले जात असले तरी ते शाळांपर्यंत कधी पोहोचणार अन् कपडे शिवून विद्यार्थ्यांना कधी मिळणार, याबाबतची साशंकता व्यक्त केली जात आहे. सोलापूर जिल्ह्यातील एकाही शाळेतील विद्यार्थ्यांना अद्याप नव्या शैक्षणिक वर्षात गणवेश मिळाला नाही. राज्यातील इतर जिल्ह्यांतही हीच परिस्थिती आहे