Vidhan Parishad Election: विधान परिषद निवडणुकीमुळे 3 दिवस ड्राय डे, हॉटेल्स-बार मालकांची कोर्टात धाव

लोकसभा निवडणुकीवेळी तीन दिवस ड्राय डे ची घोषणा करण्यात आली होती. आता विधान परिषद निवडणुकांमुळे तीन दिवस ड्राय डे असणार असल्याची माहिती समोर येत आहे. ड्राय डे विरोधात हॉटेल मालक आणि बार मालक कोर्टात धाव घेणार आहेत. तीन दिवसाच्या ड्राय डे मुळे लाखो रुपयांचं नुकसान होणार असून कर्मचाऱ्यांच्या पगारावरही याचा परिणाम होईल असं हॉटेल्स आणि बार मालक यांचं म्हणणं आहे. ड्राय डे एक दिवसाचा करावा अशी बार मालकांची मागणी आहे. त्यामुळे हॉटेल मालक आणि बार मालक यांच्या मागणीला काय प्रतिसाद मिळतो हे पाहणे गरजेचे आहे.