Mumbai News: मुंबई विमानतळावरून तब्बल ९ कोटींचं सोनं जप्त; कारवाईत ७ जणांना अटक

मुंबई: मुंबई आंतरराष्ट्रीय विमानतळावर कस्टम विभागाने मोठी कारवाई केलीय. मुंबई आंतरराष्ट्रीय विमानतळावरून १३.२४ किलो सोनं जप्त करण्यात आलं आहे. जप्त करण्यात आलेल्या सोन्याची किंमत तब्बल ९ कोटींच्या घरात असल्याची माहिती मिळतेय. यावेळी फक्त सोनंच नाही तर, १.३८ कोटी रुपयांची इलेक्ट्रॉनिक उपकरणे आणि ४५ लाख रुपयांचं परदेशी चलन देखील जप्त करण्यात आलं आहे. कस्टम विभागाने मुंबई विमानतळावर ही मोठी कारवाई केल्याचं समोर आलंय.

याप्रकरणी पोलिसांनी सात प्रवाशांना अटक करण्यात आली आहे. पोलीस याप्रकरणी अधिक तपास करीत आहेत. एकूण २४ प्रकरणांमध्ये ही कारवाई करण्यात आल्याची माहिती मिळतेय.मुंबई आंतरराष्ट्रीय विमानतळावरून नऊ कोटी रूपयांचं सोनं जप्त करण्यात आलंय. इतक्या मोठ्या प्रमाणात सोनं सापडल्यामुळे विमानतळावर मोठी खळबळ उडाली होती.