झिम्बाब्वे आणि भारतीय संघात तिसरा टी-२० सामना हरारे येथे खेळला जात आहे. या सामन्यात भारतीय संघाने फलंदाजीत बदल केला. मात्र हा बदल परिणामकारक ठरला नाही. मागील सामन्यातील शतकवीर अभिषेक शर्मा आज मोठी खेळी करण्यात अपयशी ठरला. पण कर्णधार शुबमन गिल आणि मराठमोळ्या ऋतुराजच्या तडेखाबाज खेळाच्या जोरावार भारताने झिम्बाब्वेला विजयासाठी १८३ धावांचे आव्हान ठेवलंय.
भारताकडून शुबमन गिलने सर्वाधिक धावा केल्या. गिलने ३ षटकार आणि ७ चौकारांच्या मदतीने ४९ चेंडूत ६६ धावा केल्या. तर यशस्वी जयस्वाल (३६), अभिषेक शर्मा (१०), संजू सॅमसन (नाबाद १२) आणि रिंकू सिंह एक धाव करून नाबाद परतला. ऋतुराज गायकवाडने स्फोटक खेळी करत ३ षटकार आणि ४ चौकार मारत २८ चेंडूत ४९ धावा केल्या. अखेर टीम इंडियाने २० षटकांत ४ बाद १८२ धावा केल्या. झिम्बाब्वेकडून सिकंदर रझा आणि ब्लेसिंग मुझरबानी यांनी प्रत्येकी २-२ बळी घेतले.
दरम्यान, या मालिकेतील पहिल्या सामन्यात भारताचा पराभव झाला होता. प्रतिस्पर्धी संघाने दिलेल्या ११५ धावांच्या सोप्या आव्हानाचा पाठलाग करताना भारताच्या नाकीनऊ आले होते. त्यानंतर दुसऱ्या सामन्यात भारताने झिम्बाब्वेसमोर २३५ धावांचे लक्ष्य ठेवले होतं. या आव्हानाचा पाठलाग करताना झिम्बाब्वेचा पराभव झाला होता, असं करत या मालिकेत एक-एकने दोन्ही संघाची बरोबरी केलीय.
भारताचा संघ
शुबमन गिल (कर्णधार), यशस्वी जयस्वाल, अभिषेक शर्मा, ऋतुराज गायकवाड, संजू सॅमसन, शिवम दुबे, रिंकू सिंग, वॉशिंग्टन सुंदर, रवी बिश्नोई, आवेश खान, खलील अहमद.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.