आयपीएल २०२४ स्पर्धेत एकापेक्षा एक युवा खेळाडूंचा जलवा पाहायला मिळाला आहे. या स्पर्धेत अनेक असे युवा खेळाडू पाहायला मिळाले आहेत ज्यांनी आपल्या कामगिरीने सर्वांचं लक्ष वेधून घेतलं आहे. पंजाब किंग्ज आणि सनरायझर्स हैदराबाद यांच्यादरम्यान झालेल्या २० वर्षीय फलंदाज नितीश कुमार रेड्डीने तुफान फटकेबाजी करत सर्वांचं लक्ष वेधून घेतलं आहे.
सनरायझर्स हैदराबाद संघाकडून खेळणाऱ्या या फलंदाजाने ३७ चेंडूत ४ चौकार आणि ५ गगनचुंबी षटकारांच्या साहाय्याने ६४ धावांची विस्फोटक खेळी केली. पंजाबकडून चांगली गोलंदाजी करणाऱ्या हरप्रीत ब्रारच्या एकाच षटकात या पठ्ठ्याने २२ धावा कुठल्या. दरम्यान नितीश कुमार रेड्डी आहे तरी कोण? जाणून घ्या.
कोण आहे नितीश रेड्डी?
नितीश कुमार रेड्डीचा जन्म आंध्रप्रदेशमधील विशाखापट्टणममध्ये झाला. त्याला सनरायझर्स हैदराबादने २० लाखांच्या मूळ किमतीत आपल्या संघात स्थान दिलं. त्याला खरी ओळखा तेव्हा मिळाली जेव्हा तो विनू माकंड अंडर १९ क्रिकेट स्पर्धेत आंध्रप्रदेश संघासाठी तिसऱ्या क्रमांकावर फलंदाजी करण्यासाठी आला. या स्पर्धेतही त्याचा बोलबाला पाहायला मिळाला होता. (Cricket news in marathi)
बॅटिंग ऑलराऊंडर म्हणून खेळणारा नितीश रेड्डी बेन स्टोक्स आणि हार्दिक पंड्याला आपला आदर्श मानतो. त्याने रणजी ट्रॉफी २०२३-२४ हंगामात फलंदाजी करताना ७ सामन्यांमध्ये ३६६ धावा केल्या. ज्यात एक शतक आणि एक अर्धशतकी खेळीचा समावेश होता.
हैदराबादचा शानदार विजय..
या सामन्यात प्रथम फलंदाजी करण्यासाठी आलेल्या सनरायझर्स हैदराबाद संघाने प्रथम फलंदाजी करताना ९ गडी बाद १८२ धावा केल्या. पंजाबला हा सामना जिंकण्यासाठी १८३ धावांची गरज होती. या धावांचा पाठलाग करताना पंजाबला १८० धावा करता आल्या. हा सामना हैदराबादने २ धावांनी जिंकला
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
