Virat kohli: शतक एक विक्रम अनेक! शतक झळकावताच विराटने मोठ्या विक्रमाच्या यादीत केली दिग्गज खेळाडूची बरोबरी

Ind vs Aus 4th test virat kohli century: अहमदाबाद कसोटीत भारतीय संघातील फलंदाजांनी जोरदार कामगिरी केल्याचे पाहायला मिळाले आहे. या डावात विराट कोहलीने जोरदार शतक झळकावले आहेत.

चौथ्या दिवशी विराटने कसोटीतील २८ वे शतक झळकावले आहे. या शतकी खेळीसह त्याने ऑस्ट्रेलिया संघाविरुध्द खेळताना एक मोठा विक्रम आपल्या नावे केला आहे. ( Latest sports updates)

या दिग्गज खेळाडूची केली बरोबरी..

विराटने आपल्या कारकिर्दीतील २८ वे शतक झळकावताच एक मोठ्या विक्रम आपल्या नावे केला आहे. कोहलीचे हे ऑस्ट्रेलिया संघाविरुध्द खेळताना ८ वे शतक आहे. यासह त्याने माजी भारतीय फलंदाज सुनोल गावसकरांची बरोबरी केली आहे. सुनील गावसकरांनी देखील ऑस्ट्रेलिया संघाविरुध्द खेळताना ८ शतक झळकावले होते.

ऑस्ट्रेलिया संघाविरुध्द खेळताना सुनील गावसकर आणि विराटची कामगिरी..

सुनील गावसकर: २० सामने, ८ शतक,४ अर्धशतक,१५५० धावा

विराट कोहली : २० सामने, ८ शतक, ५ अर्धशतक, १६८२ धावा

विराटने २०१९ मध्ये झळकावले होते शेवटचे शतक..

गेल्या ४ वर्षांपासून विराट कोहली शतक झळकावण्याची वाट पाहत होता . ही प्रतीक्षा आता संपली आहे. त्याने २०१९ मध्ये बांगलादेश विरुध्द झालेल्या सामन्यात १३६ धावांची खेळी केली होती.

ही त्याची शेवटची शतकी खेळी ठरली होती. त्यानंतर ४ वर्ष तो कसोटी क्रिकेटमध्ये एकही शतक झळकावू शकला नव्हता.