Viral Video : काळी मांजर आडवी गेली अन् पाकिस्तानने खेळच थांबवला, मैदानात नेमकं काय झालं? पाहा VIDEO

NZ Vs PaK Viral Cat Video : अवघ्या काही दिवसांमध्ये चॅम्पियन्स ट्रॉफी २०२५ ला सुरुवात होणार आहे. दरम्यान या स्पर्धेचा सराव म्हणून पाकिस्तानमध्ये 'दक्षिण आफ्रिका, न्यूझीलंड आणि पाकिस्तान' यांमध्ये तिरंगी एकदिवसीय मालिका खेळवली गेली. मालिकेच्या शेवटच्या सामन्यामध्ये न्यूझीलंड आणि पाकिस्तान आमनेसामने आले. हा सामना न्यूझीलंडने आरामात जिंकला. पण त्यांच्या विजयापेक्षा एका मांजरीमुळे या सामन्याची अधिक चर्चा झाली.

पाकिस्तान आणि न्यूझीलंड यांच्यात खेळल्या गेलेल्या सामन्यामध्ये एक काळी मांजर क्रिकेटच्या मैदानामध्ये शिरली. या मांजरीमुळे सामना काही काळासाठी थांबवण्यात आला. हिरव्याशार मैदानात काळ्या मांजरीने सर्वांचे लक्ष वेधून घेतले. तेव्हा डॅनी मॉरिसन हे समालोचन करत होते. त्यांनी गमतीने काळी मांजर ही ब्लॅक कॅप्सना (थोडक्यात न्यूझीलंडच्या संघात) सामील झाली आहे असे विधान केले.

ही काळी मांजर थोडा वेळ मैदानामध्ये होती. पुढे व्हिडीओमध्ये एका पक्षाने तिच्यावर हल्ला करण्याचा प्रयत्न केल्याचे पाहायला मिळते. पक्षाच्या हल्ल्यापासून वाचण्यासाठी मांजरीने मैदानातून पळ काढला. व्हिडीओच्या शेवटी ती काळी मांजर सीमारेषेच्या पार गेल्याचे दिसते. या गदारोळामुळे सामना थोड्या वेळासाठी थांबला असल्याचे म्हटले जात आहे. दरम्यान या काळ्या मांजरीचा व्हिडीओ सोशल मीडियावर प्रचंड व्हायरल होत आहे.

पाकिस्तानमध्ये सुरु असलेल्या तिरंगी मालिकेचा अंतिम सामना काल कराचीमध्ये खेळवला गेला. या मालिकेमध्ये न्यूझीलंडच्या संघाने पाकिस्तानचा धुव्वा उडवला. पाकिस्तानने प्रथम फलंदाजी करत २४२ धावा केल्या. त्यानंतर न्यूझीलंडच्या संघाने ५ गडी राखून विजय मिळवला. पाकिस्तानचा पराभव करुन न्यूझीलंडने तिरंगी मालिकेवर आपले नाव कोरले.