Cricket Funny Video: बॉल ऑफ द सेंच्युरी! घरात खेळत होते क्रिकेट,बॉलऐवजी भावाने स्वतःच उडवली विकेट; पाहा मजेशीर VIDEO

Funny Moments In Cricket: सोशल मीडियावर असंख्य व्हिडिओ व्हायरल होत असतात. यात क्रिकेटच्या व्हिडिओचा देखील समावेश असतो. क्रिकेट खेळत असताना खेळाडूने चांगलं काहीतरी केलं असेल तर त्याचा व्हिडिओ व्हायरल होतो. मात्र काही मजेशीर व्हिडिओ देखील असतात जे पाहून खदखदून हसल्याशिवाय राहवत नाही. असाच एक व्हिडिओ सध्या सोशल मीडियावर जोरदार व्हायरल होत आहे.

क्रिकेट हा असा खेळ आहे जो बॅट आणि बॉल असेल तर कुठंही खेळता येऊ शकतो. अनेकांनी मैदानावर न जाता घरातच क्रिकेट खेळण्याचा अनुभव देखील घेतला असेल. दरम्यान घरात क्रिकेट खेळत असताना असा काही मजेशीर प्रसंग घडला आहे, जो कॅमेऱ्यात कैद झाला आणि सोशल मीडियावर अपलोड होताच वेगाने व्हायरल होऊ लागला आहे.

तर व्हायरल होत असलेल्या व्हिडिओमध्ये तुम्ही पाहू शकता की, काही लोक बॅडमिंटन कोर्टमध्ये क्रिकेट खेळताना दिसून येत आहे. सर्व काही व्यवस्थित सुरु आहे. फालंदाज फलंदाजी करण्यासाठी सज्ज होतो. त्यावेळी गोलंदाज दरवाजाच्या मागून गोलंदाजी करण्यासाठी येतो. गोलंदाज चेंडू टाकतो. मात्र तो फलंदाजापर्यंत पोहचतच नाही. चेंडू पोहचण्यापूर्वी गोलंदाज फलंदाजापर्यंत पोहोचतो. (Latest sports updates)

जेव्हा गोलंदाज चेंडू रिलीझ करतो त्यावेळी त्याचा तोल जातो. तो स्वतःला सावरत सावरत, यष्टीपर्यंत पोहोचतो आणि स्वतःच विकेट घेतो. शेवटी तो यष्टीचा मागेजाऊन पडल्याचे दिसून येत आहे. हा मजेशीर व्हिडिओ सध्या सोशल मीडियावर जोरदार व्हायरल होत आहे.