Team India Victory Parade: वानखेडे स्टेडियममध्ये टीम इंडियाने ढोल ताशावर धरला ठेका

टीम इंडियाच्या विजयी मिरवणुकीला सुरुवात झालीय. ओपन डेक बसमध्ये टीम इंडियाचे सर्व खेळाडू आहेत. उपकर्णधार हार्दिक पंड्याने वर्ल्ड कप ट्रॉफी घेतली असून तो चाहत्यांना दाखवत आहे. विराट कोहली, यशस्वी जयस्वाल आणि इतर खेळाडू आपल्या चाहत्यांचं उत्साह शूट करत आहेत.

भारतीय खेळाडू ओपन डेक बसवर बसलेत. मरीन ड्राईव्ह ते वानखेडे मैदानापर्यंत ही विजयी रॅली निघणार आहे. दरम्यान, टी-२० विश्वचषक विजेता भारतीय क्रिकेट संघाच्या स्वागतासाठी जमलेल्या क्रिकेटप्रेमींच्या गर्दींचे संनियत्रण करण्याचे निर्देश मुख्यमंत्री एकनाथ शिंदेंनी मुंबई पोलीस आयुक्तांना दिलेत.

संघाच्या स्वागतासाठी वानखेडे स्टेडियम तसेच नरीमन पाईंट ते स्टेडियम दरम्यान, मरिन ड्राईव्ह या परिसरात मोठी गर्दी झालीय. या गर्दीमुळे वाहतुक विस्कळीत होऊ नये तसेच जमलेल्या क्रिकेट प्रेमींचीही गैरसोय होऊ नये याकडे मुंबई पोलीस दल आणि संबंधित यंत्रणांनी लक्ष पुरवावे, अशा सूचना मुख्यमंत्री शिंदेंनी दिल्यात.