Border Gavaskar Trophy : बॉर्डर-गावस्कर सीरीजसाठी भारतीय संघाची घोषणा; प्रसिद्ध कृष्णाची एन्ट्री, तर स्टार खेळाडू बाहेर

मुंबई : ऑस्ट्रेलिया विरुद्ध आगामी बॉर्डर गावस्कर सीरीजसाठी भारतीय टीमची घोषणा करण्यात आली आहे. भारतीय टीम पुढच्या महिन्यासाठी ऑस्ट्रेलियाच्या दौऱ्यावर जाणार आहे. भारतीय संघाचे पाच कसोटी सामने ऑस्ट्रेलियाविरोधात होणार आहेत. ऑस्ट्रेलिया दौऱ्यासाठी १८ खेळाडूंची निवड करण्यात आली आहे. या संघात प्रसिद्ध कृष्णाला एन्ट्री मिळाली आहे. तर कुलदीप यादव संघाबाहेर गेला आहे.

ऑस्ट्रेलिया दौऱ्यासाठी बॅकअप सलामीवर म्हणून अभिमन्यू ईश्वरनला जागा मिळाली आहे. तर जलद गोलंदाज प्रसिद्ध कृष्णाची संघात अचानक एन्ट्री झाली आहे. नीतीश कुमार रेड्डी, हर्षित राणा याला पहिल्यांदा भारतीय संघात स्थान मिळालं आहे. कुलदीप यादव कमरेत त्रास जाणवत असल्यामुळे त्याला संघात स्थान मिळालं नाही. अष्टपैलू अक्षर पटेलला देखील संघात स्थान मिळालं नाही.

भारतीय संघ : रोहित शर्मा (कर्णधार), जसप्रीत बुमराह (उप-कर्णधार), यशस्वी जयस्वाल, अभिमन्यू ईश्वरन, शुभमन गिल, विराट कोहली, केएल राहुल, ऋषभ पंत (विकेटकिपर), सरफराज खान, ध्रुव जुरेल (विकेटकिपर), आर. अश्विन, रवींद्र जडेजा, मोहम्म सिराज, आकाश दीप, प्रसिद्ध कृष्णा, हर्षित राणा, नीतीश रेड्डी, वॉशिंग्टन सुंदर