Team India Practise: सुपर 8 साठी टीम इंडिया सज्ज! खेळाडूंचा कसून सराव; BCCI ने शेअर केले PHOTO

आयसीसी टी-२० वर्ल्डकप २०२४ स्पर्धेतील साखळी फेरीतील सामने समाप्त झाले असून सुपर ८ फेरीतील सामन्यांना प्रारंभ होणार आहे.

भारतीय संघाचा पहिला सामना २० जून रोजी अफगाणिस्तानविरुद्ध होणार आहे. हा सामना बारबाडोसमध्ये रंगणार आहे.

या सामन्यासाठी भारतीय संघ सज्ज झाला असून भारतीय खेळाडू कसून सराव करत आहेत. ज्याचे फोटो सध्या सोशल मीडियावर तुफान व्हायरल होत आहेत.

भारतीय संघ अफगाणिस्तानला आव्हान देण्यासाठी कसून सराव करत आहेत. बीसीसीआयने आपल्या सोशल मीडिया अकाऊंटवर खेळाडूंचे काही फोटो शेअर केले आहेत.

या फोटोमध्ये तुम्ही पाहू शकता की, कुलदीप यादव देखील गोलंदाजी करताना दिसून येतोय. त्याला आतापर्यंत एकही सामना खेळण्याची संधी मिळालेली नाही.

rohri

यासह रोहित शर्मा, अक्षर पटेल आणि युजवेंद्र चहल हे क्षेत्ररक्षणाचा सराव करताना दिसून येत आहेत.

तर जसप्रीत बुमराह गोलंदाजीचा सराव करताना दिसून येतोय. सुपर ८ मध्ये त्याच्याकडून चांगल्या कामगिरीची अपेक्षा असणार आहे.

या सामन्यासाठी रोहित शर्मा कोणत्या ११ खेळाडूंना संधी देणार हे पाहणं महत्वाचं ठरणार आहे.