Sanju Samson: वैभव अरोराच्या रॉकेट बॉलवर संजू सॅमसनची बत्ती गुल! स्टम्प उडून पडला लांब

गुवाहटीमध्ये कोलकाता नाईट रायडर्स आणि राजस्थान रॉयल्स या दोन्ही संघांमध्ये रोमांचक सामना सुरु आहे. या सामन्यात कोलकाता नाईट रायडर्स संघाचा कर्णधार अजिंक्य रहाणेने टॉस जिंकून प्रथम गोलंदाजीचा निर्णय घेतला आहे. दरम्यान प्रथम फलंदाजीसाठी आलेल्या राजस्थान रॉयल्स संघातील संजू सॅमसनला हवी तशी सुरुवात करुन देता आली नाही. तो स्वस्तात बाद होऊन माघारी परतला.

या सामन्यात अजिंक्य रहाणेने नाणेफेक जिंकून राजस्थान रॉयल्सला प्रथम फलंदाजी करण्याचं आमंत्रण दिलं. राजस्थान रॉयल्स संघाकडून संजू सॅमसन आणि यशस्वी जयस्वाल ही जोडी मैदानावर आली होती. मात्र या जोडीला हवी तशी सुरुवात करुन देता आली नाही. संजू सॅमसन सुरुवातीपासूनच संघर्ष करताना दिसून आला. शेवटी वैभव अरोराच्या गोलंदाजीवर तो त्रिफळाचित होऊन माघारी परतला.

तर झाले असे की, राजस्थान रॉयल्स संघाकडून संजू सॅमसन आणि यशस्वी जयस्वाल स्ट्राईकवर असताना, चौथे षटक टाकण्यासाठी वैभव अरोरा गोलंदाजीला आला होता. या षटकातील पाचव्या चेंडूवर संजूने स्टेप आऊट होऊन फटका खेळण्याचा प्रयत्न केला. मात्र त्याचा अंदाच चुकला आणि तो त्रिफळाचित होऊन माघारी परतला. संजू सॅमसनला ११ चेंडूत १३ धावा करत माघारी परतला.

या सामन्यासाठी अशी आहे दोन्ही संघांची प्लेइंग ११:

कोलकाता नाईट रायडर्स (Playing XI): क्विंटन डी कॉक (विकेटकीपर), वेंकटेश अय्यर, अजिंक्य रहाणे (कर्णधार), रिंकू सिंग, मोईन अली, आंद्रे रसेल, रामनदीप सिंग, स्पेन्सर जॉन्सन, वैभव अरोरा, हर्षित राणा, वरुण चक्रवर्ती.

राजस्थान रॉयल्स (Playing XI): यशस्वी जैस्वाल, संजू सॅमसन, नितीश राणा, रियान पराग (कर्णधार), ध्रुव जुरेल (विकेटकीपर), शिमरोन हेटमायर, वानिंदु हसरंगा, जोफ्रा आर्चर, महीश थीक्षाना, तुषार देशपांडे, संदीप शर्मा.