Rohit sharma Dance: शुक्रवारी भारत विरुध्द ऑस्ट्रेलिया यांच्यात सुरू असलेल्या ३ वनडे सामन्यांच्या मालिकेतील वनडे सामना पार पडला.
या सामन्यात जोरदार कामगिरी करत भारतीय संघाने ५ गडी राखून विजय मिळवला. यासह मालिकेत १-० ची आघाडी घेतली आहे.
दरम्यान संघाबाहेर असलेल्या कर्णधार रोहित शर्माच एक व्हिडिओ सध्या सोशल मीडियावर जोरदार व्हायरल होऊ लागला आहे.
भारतीय संघाचा कर्णधार रोहित शर्मा ऑस्ट्रेलिया विरुध्द होणाऱ्या पहिल्या वनडे सामन्यात खेळताना दिसून आला नव्हता. (Latest sports updates)
संघाची घोषणा होताच त्याने पहिल्या सामन्यासाठी उपलब्ध नसणार असल्याची माहिती दिली होती. मात्र त्यावेळी कुठलेही कारण समोर आले होते.
आता त्याचा एक व्हिडिओ जोरदार व्हायरल होऊ लागला आहे. ज्यात तो डान्स करताना दिसून येत आहे.
ऑस्ट्रेलिया विरूध्दचा पहिला वनडे सामना सुरू असताना, रोहित शर्माने आपल्या मेहुण्याच्या लग्नात हजेरी लावली होती. आता लग्न म्हटलं तर डान्स करणं आलंच.
रोहित शर्माही स्वतः ला रोखू शकला नाही. त्याने आपली पत्नी रितिका सह बॅालिवूड गाण्यावर बेधुंद होऊन डान्स केला. हा व्हिडिओ सध्या सोशल मीडियावर धुमाकूळ घालतोय.
पहिल्या वनडेत भारतीय संघाचा विजय..
ऑस्ट्रेलिया विरुध्द झालेल्या पहिल्या वनडे सामन्यात भारतीय संघाने ५ गडी राखून विजय मिळवला आहे.
या सामन्यात हार्दिक पंड्याने नाणेफेक जिंकून प्रथम गोलंदाजी करण्याचा निर्णय घेतला होता. हा निर्णय योग्य ठरवत भारतीय गोलंदाजांनी ऑस्ट्रेलियाचा पहिला डाव १८८ धावांवर रोखला.
या धावांचा पाठलाग करताना भारतीय संघाकडून केएल राहूलने नाबाद ७५ तर जडेजाने नाबाद ४५ धावांची खेळी केली.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.