records made in sunrisers hyderabad vs mumbai indians match ipl 2024 cricket news in marathi amd2000
records made in sunrisers hyderabad vs mumbai indians match ipl 2024 cricket news in marathi amd2000twitter

Records In SRH vs MI: आयपीएल स्पर्धेतील ऐतिहासिक सामना! एकाच सामन्यात मोडले गेले हे मोठे रेकॉर्ड्स

SRH vs MI, IPL 2024: सनरायझर्स हैदराबाद आणि मुंबई इंडियन्स यांच्यादरम्यान झालेला सामना ऐतिहासिक ठरला आहे. या सामन्यात मुबंई इंडियन्स संघाला ३१ धावांनी पराभवाचा सामना करावा लागला आहे.

Records In SRH vs MI Match:

सनरायझर्स हैदराबाद आणि मुंबई इंडियन्स यांच्यादरम्यान झालेला सामना ऐतिहासिक ठरला आहे. या सामन्यात मुबंई इंडियन्स संघाला ३१ धावांनी पराभवाचा सामना करावा लागला आहे. हैदराबादच्या फलंदाजांनी तुफान फटकेबाजी करत २७७ धावांचा डोंगर उभारला. या धावांचा पाठलाग करताना मुंबईला २४६ धावा करता आल्या. दरम्यान या सामन्यात १० मोठे रेकॉर्ड बनवले गेले आहेत.

आयपीएल इतिहासातील सर्वात मोठी धावसंख्या..

या सामन्यात हैदराबादने २७७ धावांचा डोंगर उभारला. ही आयपीएल स्पर्धेच्या इतिहासातील सर्वोच्च धावसंख्या आहे. यापूर्वी हा रेकॉर्ड रॉयल चॅलेंजर्स बंगळुरु संघाच्या नावे होता. या संघाने २०१३ मध्ये झालेल्या आयपीएल स्पर्धेत ५ गडी बाद २६३ धावा केल्या होत्या.

एका सामन्यात सर्वाधिक धावा..

या सामन्यात प्रथम फलंदाजी करणाऱ्या सनरायझर्स हैदराबाद संघाने २७७ धावा केल्या. तर या धावांचा पाठलाग करताना मुंबई इंडियन्सने २४६ धावांपर्यंत मजल मारली. दरम्यान दोन्ही संघांनी मिळून ५२३ धावा केल्या. (Cricket news in marathi)

records made in sunrisers hyderabad vs mumbai indians match ipl 2024 cricket news in marathi amd2000
SRH vs MI, IPL 2024: मुंबई इंडियन्सच्या ज्युनिअर रबाडाला धू धू धुतला! ११ वर्षांपूर्वीचा रेकॉर्ड मोडला

सर्वाधिक षटकार..

हैदराबाद आणि मुंबई यांच्यादरम्यान झालेल्या सामन्यात एकूण ३८ षटकार मारले गेले आहेत. या सामन्यात हैदराबादच्या फलंदाजांनी १८ आणि मुंबईच्या फलंदाजांनी २० षटकार मारले.

धावांचा पाठलाग करताना सर्वात मोठी धावसंख्या..

या सामन्यात हैदराबादने २७७ धावा केल्या होत्या. या धावांचा पाठलाग करताना मुंबईने कडवी झुंज दिली. मुंबईने २० षटकअखेर ५ गडी बाद २४६ धावा केल्या. धावांचा पाठलाग करताना ही सर्वोच्च धावसंख्या आहे.

records made in sunrisers hyderabad vs mumbai indians match ipl 2024 cricket news in marathi amd2000
SRH vs MI,IPL 2024: मुंबई इंडियन्समध्ये भाकरी फिरणार? सामन्यानंतर रोहित अन् आकाश अंबानीमध्ये काय चर्चा झाली?

अभिषेक शर्मा आणि ट्रेविस हेडने रचला इतिहास..

अभिषेक शर्मा आणि ट्रेविस हेड या दोन्ही फलंदाजांनी इतिहासाला गवसणी घातली आहे. आयपीएल स्पर्धेच्या इतिहासात पहिल्यांदाच २ फलंदाजांन २० पेक्षा कमी चेंडूंचा सामना करत आपलं अर्धशतक पूर्ण केलं आहे.

क्वेना मफाका

या स्पर्धेत आपला पहिलाच सामना खेळत असलेल्या क्वेना मफाकाने ४ षटकात ६६ धावा खर्च केल्या .तो पदार्पणात गोलंदाजी करताना सर्वात महागडा गोलंदाज ठरला आहे.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com