Virat - Zaheer Khan Video: 'विराट रॉक्स जहीर शॉक',मस्तीखोर विराटने जहीरला पाहताच पोटावर फिरवला हात; पुढे जे झालं ते एकदा पाहाच

IPL 2023 Funny Videos: आयपीएल २०२३ स्पर्धेतील ३६ वा सामना रॉयल चॅलेंजर्स बंगळुरू आणि कोलकाता नाईट रायडर्स या दोन्ही संघांमध्ये पार पडला. या रोमांचक सामन्यात कोलकाता नाईट रायडर्स संघातील खेळाडूंनी जोरदार कामगिरी करत २१ धावांनी विजय मिळवला.

या विजयासह कोलकाता नाईट रायडर्स संघाने आपली पराभवाची मालिका थांबवली. या सामन्यात कर्णधार विराट कोहलीने जोरदार अर्धशतक झळकावले. मात्र तो आपल्या संघाला विजय मिळवून देऊ शकला नाही. दरम्यान या सामन्यानंतर विराट कोहलीचा एक मजेशीर व्हिडिओ सोशल मीडियावर जोरदार व्हायरल होत आहे.

विराट कोहली हा क्रिकेटच्या मैदानावर जितका आक्रमक असतो, मैदानाच्या बाहेर तितकाच मस्ती देखील करत असतो. एका व्हिडिओमध्ये तो माजी भारतीय क्रिकेटपटू जहीर खानसोबत मस्ती करताना दिसून आला आहे. भारतीय संघाचा माजी क्रिकेटपटू जहीर खान सध्या समालोचकाची भूमिका पार पाडतोय.

रॉयल चॅलेंजर्स बंगळुरू आणि कोलकाता नाईट रायडर्स यांच्या सामान्यादरम्यान विराट कोहली आणि जहीर खान यांची भेट झाली होती. त्यावेळी विराट कोहली जहीर खानच्या पोटाची खिल्ली उडवताना दिसून आला होता. पोटावर थाप मारली.

विराटने केलेली ही मस्करी पाहून जहीरलाही हसायचा मोह आवरला नाही. त्यावेळी रॉबिन उथप्पाही तिथे उपस्थित होता. (Latest sports updates)

फिटनेसवर अधिक भर देतो विराट

काही वर्षांपूर्वी भारतीय संघात फिटनेसला इतकं महत्व दिलं जात नव्हतं. मात्र विराटने भारतीय संघाची जबाबदारी स्वीकारताच भारतीय संघात एक मोठा बदल पाहायला मिळाला. भारतीय संघाचा क्षेत्ररक्षणाचा स्तर उंचावला आहे. खेळाडू आता मैदानासह जिममध्ये देखील मेहनत घेताना दिसून येत आहेत. फिटनेसचा स्तर उंचावल्याने दुखापतीचं प्रमाण कमी झालं आहे.

तसेच या सामन्याबद्दल बोलायचं झालं तर, रॉयल चॅलेंजर्स बंगळुरू संघाने नाणेफेक जिंकून प्रथम गोलंदाजी करण्याचा निर्णय घेतला होता. तर प्रथम फलंदाजी करणाऱ्या कोलकाता नाईट रायडर्स संघाने २०० धावांचा डोंगर उभारला होता. कोलकाता नाईट रायडर्स संघाकडून जेसन रॉयने सर्वाधिक ५६ धावांची खेळी केली.

तर नितीश राणाने ४८ धावांची खेळी केली. या धावांचा पाठलाग करताना रॉयल चॅलेंजर्स बंगळुरू संघाकडून कर्णधार विराट कोहलीने सर्वाधिक ५४ धावांची खेळी केली. तर महिपाल लोमरोरने ३४ धावांचे योगदान दिले. मात्र रॉयल चॅलेंजर्स बंगळुरू संघ विजयापासून २१ धावा दूर राहिला.