Shubman Gill Statement: पराभवाच्या हॅट्रिकनंतर गिल भडकला! या खेळाडूंवर फोडलं पराभवाचं खापर

आयपीएल २०२४ स्पर्धेत शनिवारी झालेल्या सामन्यात रॉयल चॅलेंजर्स बंगळुरू आणि गुजरात टायटन्स हे दोन्ही संघ आमने सामने आले होते. या सामन्यात गुजरात टायटन्स संघाला ४ गडी राखून पराभवाचा सामना करावा लागला आहे. गुजरातचा हा या हंगामातील सलग तिसरा पराभव ठरला आहे. गुजरातने आतापर्यंत ११ सामने खेळले असून ७ सामने गमावले आहेत. ८ गुणांसह हा संघ गुणतालिकेत नवव्या स्थानी आहे.

या सामन्यातील पराभवानंतर कर्णधार शुभमन गिलने म्हटलंय की, आमचा संघ यापुढील सर्व सामने जिंकण्याच्या प्रयत्नात असेल. या सामन्यात प्रथम फलंदाजी करताना गुजरात टायटन्स संघाचा डाव १९.३ षटकात १४७ धावांवर संपुष्टात आला. या धावांचा पाठलाग करताना रॉयल चॅलेंजर्स बंगळुरू संघाने १३.४ षटकात दिलेलं आव्हान पूर्ण केलं.

या पराभवानंतर बोलताना शुभमन गिल म्हणाला की, ' खूप काही गोष्टी खेळपट्टीवर अवलंबून आहेत. पहिल्या षटकापासूनच अंदाज येतो की खेळपट्टी कशी असेल. त्यानुसार खेळ करावा लागतो. या खेळपट्टीवर १७०-१८० धावा करणं आव्हानात्मक ठरलं असतं. पावरप्लेमध्ये आमची फलंदाजी आणि त्यांची गोलंदाजी निर्णायक ठरली. आम्ही आमच्या चुकांमधून शिकू आणि पुढील सामन्यांमध्ये चांगली कामगिरी करू.'

तसेच या सामन्यात विजय मिळवणारा रॉयल चॅलेंजर्स बंगळुरू संघाचा कर्णधार फाफ डू प्लेसिसने म्हटले की, ' गेल्या दोन्ही सामन्यांमध्ये आम्ही गोलंदाजीत आणि फलंदाजीतही शानदार कामगिरी केली आहे. १८०-१९० धावसंख्या उत्तम आहे.' या सामन्याबद्दल बोलायचं झालं तर, या सामन्यात रॉयल चॅलेंजर्स बंगळुरू संघाने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करण्यासाठी आलेल्या गुजरात टायटन्स संघाचा डाव १९.३ षटकात संपुष्टात आला. या धावांचा पाठलाग करताना रॉयल चॅलेंजर्स बंगळुरू संघाने १३.४ षटकात दिलेलं आव्हान पूर्ण केलं.