रॉयल चॅलेंजर्स बेंगळुरुचा जलद गोलंदाज पुन्हा वादात
यश दयाल असे क्रिकेटपटूचे नाव
जयपूर अल्पवयीन मुलीच्या अत्याचार प्रकरणात यश अडचणीत
रॉयल चॅलेंजर्स बेंगळुरुचा जलद गोलंदाज यश दयाल पुन्हा एकदा कायदेशीर कचाट्यात सापडला आहे. जयपूरमधील अल्पवयीन मुलीच्या अत्याचार प्रकरणात यश दयाल आणखी गोत्यात सापडला आहे. याच प्रकरणात अटकेपासून कोर्टाकडूनही दिलासा मिळाला नाही. त्यामुळे यशच्या अडचणी आणखी वाढल्या आहेत.
यश दयालवर अल्पवयीन मुलीवर अत्याचार केल्याचा गंभीर आरोप आहे. त्याच्यावर पोक्सो अंतर्गत गुन्हे दाखल झाले आहेत. जयपूरमधील अल्पयवीन तरुणीने यशवर गंभीर आरोप केलाय. क्रिकेट करिअरमध्ये मदत करण्याचं आश्वासन देऊन दोन वर्ष लैंगिक शोषण केल्याचा यशवर आरोप आहे. पीडित तरुणी १७ वर्षांची असताना तिच्यावर अत्याचार झाला.
पोलिसांत गुन्हा नोंदवल्यानंतर यशने अटकेपासून दिलासा मिळण्यासाठी कोर्टाचा दरवाजा ठोठावला. वकिलाने दावा केला की, उत्तर प्रदेशच्या गाझियाबादमध्येही अशाच प्रकरणाची नोंद झाली होती. त्यात अलाहाबाद हायकोर्टाने आरोपीला अटकेपासून दिलासा दिला. परंतु जयपूर प्रकरणात कोर्टाने कठोर निर्णय दिला.
कोर्टाने पोलिसांना निर्देश दिले आहेत की, 'पुढील सुनवाणीदरम्यान या प्रकरणाची डायरी सादर करावी. या प्रकरणाची २२ ऑगस्ट रोजी दुसऱ्यांदा सुनावणी होणार आहे. याचदरम्यान यश दयालला अटक होण्याची शक्यता आहे. यश दयालवर एका महिन्यात दुसरा लैंगिक शोषणाचा आरोप आहे. याआधी ८ जुलै रोजी उत्तर प्रदेशातील एका तरुणीने लग्नाचं आश्वासन देऊन ५ वर्ष शारिरीक संबंध ठेवल्याचा आरोप केला होता. परंतु या प्रकरणात कोर्टाकडून दिलासा मिळाला.
यशच्या वकिलांचं म्हणणं आहे की, 'हा प्रकार संपूर्ण षडयंत्र आहे. एक टोळी सेलिब्रिटी आणि खेळाडूंना लक्ष्य करत आहे. ब्लॅकमेल करून खोटा गुन्हा नोंदवण्यात येत असल्याचा वकिलाचा दावा आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.