IPL 2022: राजस्थानने संजूला केले रिटेन; 'हे' तीन खेळाडू प्रतिक्षेत

इंडियन प्रीमियर लीगमधील (IPL 2021) फ्रँचायझी राजस्थान रॉयल्सने (RR) स्पर्धेच्या 15 व्या हंगामासाठी होणाऱ्या आगामी मेगा लिलावापूर्वी (IPL 2022 Auction) त्यांचा कर्णधार संजू सॅमसनला (Sanju Samson) कायम ठेवले आहे. संजू सॅमसन गेल्या अनेक वर्षांपासून फ्रँचायझीचा प्रमुख सदस्य आहे आणि गेल्या वर्षी त्याच्याकडे कर्णधारपद सोपवण्यात आले होते. आयपीएल 2021 हा त्याच्या कारकिर्दीतील सर्वोत्तम हंगाम होता.

राजस्थान रॉयल्स काही दिवसांत त्यांचे आणखी कोणते तीन खेळाडू रिटेन केले आहेत ते उघड करेल, ज्यात जोस बटलर, यशस्वी जैस्वाल, जोफ्रा आर्चर आणि लियाम लिव्हिंगस्टोन यांचा समावेश आहे. राजस्थान रॉयल्सच्या शिबिरातील सूत्रांनी एएनआयला माहिती दिली की संजू सॅमसनला फ्रँचायझीने खरोखरच कायम ठेवले आहे. सूत्राने सांगितले, “होय, संजू सॅमसनला कायम ठेवण्यात आले आहे. येत्या काही दिवसांत आम्ही इतर खेळाडूंचा खुलासा करू.” इंडियन प्रीमियर लीगमध्ये दोन नवीन फ्रँचायझींचा समावेश करण्यात आला आहे त्या म्हणजे लखनौ आणि अहमदाबाद. यांना मेगा लिलाव सुरू होण्यापूर्वी तीन खेळाडूंना पूलमध्ये परत आणण्यासाठी 33 कोटी रुपयांचे बजेट वाटप करण्यात आले होते.

सध्याच्या आठ फ्रँचायझींना जास्तीत जास्त चार खेळाडूंना कायम ठेवण्याची परवानगी देण्यात आली आहे. बीसीसीआयने 1-30 नोव्हेंबर दरम्यान आठ जुन्या फ्रँचायझींसाठी एक रिटेन विंडो सेट केली आहे आणि लखनौ आणि अहमदाबादसाठी ही विंडो 1 ते 25 डिसेंबर दरम्यान आहे. आठ फ्रँचायझींसाठी तीनपेक्षा जास्त भारतीय ठेवता येणार नाहीत, असे नियम तयार करण्यात आले आहेत. ते दोन परदेशी खेळाडूंपेक्षा जास्त आणि दोन अनकॅप्ड भारतीय खेळाडूंपेक्षा जास्त ठेवू शकत नाहीत. लखनौ आणि अहमदाबाद या दोन नवीन फ्रँचायझींसाठी नियम असा आहे की ते दोनपेक्षा जास्त भारतीय खेळाडू निवडू शकत नाहीत. ते एकापेक्षा जास्त परदेशी खेळाडू आणि एकापेक्षा जास्त भारतीय अनकॅप्ड खेळाडू निवडू शकत नाहीत.

Edited By: Pravin Dhamale