भारतीय संघ सध्या दक्षिण आफ्रिका दौऱ्यावर आहे. दोन्ही संघांमध्ये २ कसोटी सामन्यांचा थरार सुरू आहे. मालिकेतील पहिल्याच सामन्यात भारतीय संघाचा १ डाव आणि ३२ धावांनी पराभव झाला. तर दुसरा सामना केपटाऊनच्या मैदानावर खेळला जाईल.
या सामन्यासाठी आर अश्विन - रविंद्र जडेजाला संधी मिळेल का? की दोघांनाही संधी मिळेल? याचं उत्तर भारताचा माजी गोलंदाज इरफान पठाणने दिलं आहे.
या प्रश्नाचं उत्तर देत रविंद्र जडेजा म्हणाला की, ' जर रविंद्र जडेजा फिट असेल तर त्याला संधी मिळायला हवी. अश्विननेही अपेक्षेपेक्षा चांगली कामगिरी केली आहे. मात्र याप्रकारच्या खेळपट्टीवर रविंद्र जडेजा फायदेशीर ठरू शकतो. सातव्या क्रमांकावर खेळण्यासाठी रविंद्र जडेजा बेस्ट ऑप्शन आहे.'
पहिल्या कसोटीत प्रसिद्ध कृष्णाला पदार्पणाची संधी दिली गेली होती. मात्र या सामन्यात तो हवी तशी कामगिरी करू शकलेला नाही. या सामन्यात त्याने १९ षटक गोलंदाजी केली. यादरम्यान त्याला केवळ १ गडी बाद करता आला. त्याच्या गोलंदाजीवर दक्षिण आफ्रिकेच्या फलंदाजांनी ९३ धावा कुटल्या. या कामगिरीनंतर त्याच्यावर टीका देखील केली गेली.
प्रसिद्ध कृष्णाबाबत बोलताना इरफान पठाण म्हणाला की, ' जर केपटाऊन कसोटीत प्रसिद्ध कृष्णाला संधी मिळणार नसेल. तर त्याच्या जागी मुकेश कुमारला संधी मिळायला हवी.' दुसरा कसोटी सामना येत्या ३ ते ७ जानेवारी दरम्यान खेळला जाणार आहे. भारतीय संघ मालिकेत १-० ने पिछाडीवर आहे. (Latest sports updates)
पहिल्या सामन्यात भारतीय संघाचा पराभव..
भारतीय संघ या सामन्यात प्रथम फलंदाजी करण्यासाठी मैदानावर उतरला होता. या डावात भारतीय संघाने प्रथम फलंदाजी करताना २४५ धावा केल्या. या धावांच्या प्रत्युत्तरात दक्षिण आफ्रिकेने ४०८ धावा केल्या होत्या. यासह ऑस्ट्रेलियाने मोठी आघाडी घेतली होती. दरम्यान दुसऱ्या डावात फलंदाजी करताना भारतीय संघाला १३१ धावा करता आल्या. हा सामना भारतीय संघाने १ डाव आणि ३२ धावांनी गमावला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.