Kho Kho: खाे-खाे महासंघाने संघातील खेळाडूंची संख्या वाढवली; एप्रिलपासून अंमलबजावणी

सातारा : गेल्या अनेक वर्षापासून खाे खाे संघटकांची असलेली मागणी भारतीय खाे खाे महासंघाने (kho kho fedreation of india) नुकतीच पुर्ण केली आहे. नव्या निर्णयानूसार आता खाे खाे संघात आता १२ ऐवजी १५ खेळाडू (15 players in kho kho team) असणार आहेत. या निर्णयाची अंमलबजावणी येत्या एप्रिलपासून हाेणार आहे. नव्या निर्णयाबाबत महासंघाने देशातील सर्व खाे खाे संघटनांना कळविले आहे. (kho kho latest news)

भारतीय खो खो महासंघाची (KKFI) नुकतीच वार्षिक सर्वसाधारण सभा झाली. या सभेत महासंघाचे सहसचिव डॉ. चंद्रजीत जाधव यांनी या खेळात संघातील खेळाडूंची संख्या वाढविण्याचा विचार व्हावा अशी मागणी केली. ही मागणी करीत असताना डाॅ. जाधव यांनी सराव अथवा सामन्या दरम्यान काही वेळेला खेळाडूंना (players) दुखापत हाेते. त्यामुळे निष्णात खेळाडूंअभावी संघास खेळावे लागते असा मुद्दा उपस्थित केला.

डाॅ. जाधव यांनी मांडलेल्या मुद्यावर महासंघाने चर्चेतून संघातील खेळाडूंची संख्येत तीनने वाढ केली आहे. त्याबाबतची माहिती महासंघाने सर्व संलग्न संघटनांपर्यंत पाेहचवली. नव्या निर्णयानूसार आता खो खोचा संघ १८ खेळाडूंचा असेल. त्यात १५ खेळाडू (नऊ खेळणारे आणि सहा राखीव).

आगामी काळात सुरु हाेणा-या किशोर, किशोरी, कुमार, कुमारी आणि पुरुष, महिला (women) अशा सर्व स्पर्धांत खाे खाे संघांत १२ ऐवजी १५ खेळाडूंच्या समावेश करावा असं पत्र महासंघाने सर्व राज्य क्रीडा (sports) संघटनांना पाठविले आहे.