Wd 1 N4 Wd Wd Wd Wd 4 W 1 1 Wd 1: झिम्बाब्वेविरूद्ध नवीन उल हकने टाकली १३ चेंडूंची ओव्हर, पाहा Video

झिम्बाब्वे आणि अफगाणिस्तान यांच्यात सध्या टी-२० सिरीज खेळवण्यात येतेय. या तीन सामन्यांच्या सिरीजमधील पहिला सामना बुधवारी हरारेमध्ये खेळवला गेला. या सामन्यात झिम्बाब्वेने अफगाणिस्तानला हरवून मोठा उलटफेर केला. हा सामना खूपच रोमांचक होता.

दरम्यान या सामन्यात अफगाणिस्तानचा खेळाडू नवीन उल हकची अधिक चर्चा होतेय. झिम्बाब्वेच्या डावात अफगाण गोलंदाज नवीन उल हकने असं काही केलं की चाहते पुरते हैराण झाले होते. नवीन उल हकने या सामन्यात आपल्या एका ओव्हरमध्ये 13 बॉल टाकले. या 13 पैकी 6 चेंडू वाईड आणि 1 नो बॉल होता. नवीनने सलग चार वाईड बॉल टाकले. दरम्यान त्याच्या या ओव्हरचा व्हिडिओ व्हायरल होताना दिसतोय.

झिम्बाब्वेच्या डावाच्या १५व्या ओव्हरमध्ये ही घटना घडली. या ओव्हरपूर्वी सामना अफगाणिस्तानच्या हातात होता. नवीन उल हकने वाइड बॉलने ओव्हरची सुरुवात केली. यानंतर त्याने पहिल्या बॉलवर एक रन दिला.

यानंतर दुसऱ्या बॉलवर नो बॉल आणि चौकार लगावण्यात आली. यानंतर फ्री हिट टाळण्यासाठी नवीनला ऑफ स्टंपच्या बाहेर बॉल टाकायचा होता. पण यावेळी त्याने 1-2 नाही तर सलग चार बॉल वाईड टाकले.

यानंतरही अधिकृत फ्री हिटवर सिकंदरने फोर मारला. म्हणजेच या एका ओव्हरमध्ये नवीनने तब्बल १३ रन्स दिले.

यानंतर नवीन पुन्हा १९ वी ओव्हर टाकण्यासाठी षटक फेकण्यासाठी आला आणि झिम्बाब्वेला तेव्हा २ ओव्हर्समध्ये २१ रन्सची गरज होती. नवीनने त्या ओव्हरमध्ये १० रन्स दिले. यानंतर अझमतुल्लाह ओमारझाई गोलंदाजीला आला आणि झिम्बाब्वेला ११ रन्सची गरज होती. तशिंगा मुसेकिवाने उत्तम फटकेबाजी करत झिम्बाब्वेला विजय मिळवून दिला.