Mumbai Indians Bowler Jofra Archer Injury Updates
Mumbai Indians Bowler Jofra Archer Injury UpdatesSaam TV

Jofra Archer Injury : जोफ्रा आर्चर आयपीएल २०२३ मधून बाहेर? फिटनेसबाबत रोहित शर्माने दिली महत्वाची अपडेट

Mumbai Indians Bowler : जसप्रीत बुमराहच्या अनुपस्थितीत मुंबईला जोफ्रा आर्चरकडून आशा आहेत. पण चेन्नई सुपर किंग्जविरुद्धच्या शेवटच्या सामन्यात तोही संघाचा भाग होऊ शकला नाही.

Jofra Archer Injury Updates : आयपीएलच्या इतिहासात पाचवेळा चॅम्पियनपद पटकावणाऱ्या मुंबई इंडियन्सची यंदाच्या हंगामातील सुरूवात निराशाजनक झाली. आरसीबीविरोधातला पहिला सामना गमावल्यानंतर शनिवारी वानखेडे मैदानावर मुंबईने चेन्नईविरोधातला दुसरा सामनाही गमावला. यंदाच्या हंगामातील मुंबईचा हा सलग दुसरा पराभव आहे.

सलग दोन पराभवानंतर मुंबई इंडियन्सचे (Mumbai Indians) चाहते नाराज झाले आहेत. मुंबई इंडियन्स हा आयपीएल इतिहासातील सर्वात यशस्वी संघ आहे. रोहित शर्माच्या नेतृत्वात मुंबई इंडियन्सने पाचवेळा आयपीएल ट्रॉफीवर आपले नाव कोरले आहे. मात्र, यंदाचा हंगाम सुरू होण्यापूर्वीच मुंबई इंडियन्सला मोठा धक्का बसला.

Mumbai Indians Bowler Jofra Archer Injury Updates
Arjun Tendulkar News : अर्जुन तेंडुलकरला संधी द्या, पराभवाची हॅट्रिक टाळा; चाहत्यांचा मुंबई इंडियन्सला सल्ला

वेगवान गोलंदाज जसप्रीत बुमरा हा दुखापतीमुळे एकही सामना न खेळता संपूर्ण १६ व्या हंगामातून बाहेर झाला. त्याच्या अनुपस्थितीत मुंबईला जोफ्रा आर्चरकडून आशा आहेत. पण चेन्नई सुपर किंग्जविरुद्धच्या शेवटच्या सामन्यात तोही संघाचा भाग होऊ शकला नाही.

त्यामुळे बुमराहपाठोपाठ आता जोफ्रा आर्चर सुद्धा आयपीएलमधून बाहेर पडतो की काय? असा प्रश्न मुंबईच्या चाहत्यांना पडला. दरम्यान, मुंबईचा कर्णधार रोहित शर्मा याने जोफ्रा आर्चरच्या फिटनेसबाबत मोठी अपडेट दिली आहे.  (Latest sports updates)

जोफ्रा आर्चर आयपीएल 2023 मधून बाहेर?

रॉयल चॅलेंजर्स बंगलोरविरुद्धच्या पहिल्या सामन्यात खेळताना जोफ्रा आर्चरला दुखापत झाली. आर्चरच्या डाव्या कोपरात काही त्रास झाला होता, असा दावा काही अहवालांनी केला आहे. मात्र, दुखापतीबाबत कोणतीही अधिकृत माहिती देण्यात आलेली नाही.

Mumbai Indians Bowler Jofra Archer Injury Updates
Suryakumar Yadav News: सूर्यकुमार यादव पुढच्या सामन्यात फिक्स शतक ठोकणार, एका फोटोमुळे चर्चांना उधाण

नाणेफेकदरम्यान मुंबईचा कर्णधार रोहित शर्माला (Rohit Sharma) याबाबत विचारले असता तो म्हणाला, "जोफ्रा आर्चरच्या कोपरात त्रास होत आहे. त्याला कोणतीही दुखापत झाली नाही, अधिक खबरदारीचा निर्णय म्हणून आम्ही त्याला आजच्या सामन्यात विश्रांती देण्याचा निर्णय घेतला आहे".

जोफ्रा आर्चर आयपीएल खेळणार की नाही?

मीडिया रिपोर्ट्नुसार, आरसीबीविरुद्धच्या सामन्यानंतर आर्चरने सराव शिबिरात फार कमी भाग घेतला. मात्र, चेन्नई सुपर किंग्ज विरुद्धच्या सामन्यापूर्वी त्याने कसून सराव केला होता. जोफ्रा आर्चर मुंबईत सुद्धा आला. त्याने प्रॅक्टिस सेशनमध्ये सुद्धा सहभाग घेतला. मात्र, कोपराचा अधिकच त्रास जाणवू लागल्याने तो चेन्नईविरुद्धचा सामना खेळू शकला नाही. आता जोफ्रा आर्चरची ही दुखापत बरी होण्यासाठी किती वेळ लागेल? हे अद्याप तरी समोर आलेले नाही.

Edited by - Satish Daud

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com