भारतीय संघाचा स्टार यष्टीरक्षक फलंदाज रिषभ पंतला आयसीसी चॅम्पियन्स ट्रॉफीत एकही सामना खेळण्याची संधी मिळाली नव्हती. संपूर्ण स्पर्धेत त्याला बाकावर बसून राहावं लागलं. आता तो आपल्या बहिणीच्या लग्नामुळे चर्चेत आला आहे. आज (१२ मार्च) त्याच्या बहिणीचा विवाह सोहळा पार पडणार आहे.
दुबईहून परतल्यानंतर रिषभ या विवाह सोहळ्यासाठी मसूरीत दाखल झालाय. रिषभसह भारताचे माजी क्रिकेटपटू एमएस धोनी, सुरेश रैना देखील आपल्या कुटुंबासह मसुरीत दाखल झाले. दरम्यान हे दिग्गज क्रिकेटपटू भन्नाट डान्स करताना दिसून आले. ज्याचा व्हिडिओ सध्या सोशल मीडियावर तुफान व्हायरल होत आहे.
रिषभ पंतच्या मेहंदीच्या कार्यक्रमासाठी दिग्गज खेळाडूंनी हजेरी लावली होती. क्रिकेटच्या मैदानावर गोलंदाजांना घाम फोडणारे फलंदाज या सोहळ्यात मनसोक्त होऊन डान्स करताना दिसून आले. व्हायरल होत असलेल्या व्हिडिओमध्ये तुम्ही पाहू शकता की, एमएस धोनीने काळ्या रंगाचा कुर्ता परिधान केला आहे.
तर धोनीची पत्नी साक्षीने देखील या सोहळ्याला हजर राहुन भन्नाट डान्स केला आणि सर्वांचं लक्ष वेधून घेतलं. यासह रिषभ पंत, एमएस धोनी आणि सुरेश रैना एकमेकांच्या गळ्यात हात टाकून डान्स करताना दिसून आले. हा व्हिडिओ सध्या सोशल मीडियावर तुफान व्हायरल होतोय.
सुरेश रैना आणि रिषभ पंतला डान्स करताना तुम्ही अनेकदा पाहिलं असेल, पण धोनीला फार कमी वेळेस डान्स करताना दिसून आला आहे. मैदानावर नेहमीच शांत राहणारा धोनी मात्र यावेळी मनसोक्त डान्स करताना दिसून आला.
या व्हिडिओमध्ये तुम्ही पाहू शकता की, हे दिग्गज खेळाडू दमा दम मस्त कलंदर गाण्यावर डान्स करताना दिसून येत आहेत. रिषभ पंतच्या बहिणीचं लग्न मसूरीतील एका मोठ्या हॉटेलमध्ये होत आहे. धोनीला पाहण्यासाठी चाहत्यांनीही तुफान गर्दी केली होती.
आगामी आयपीएल २०२५ स्पर्धेत एमएस धोनी चेन्नई सुपर किंग्ज संघाकडून खेळताना दिसून येणार आहे. मसूरीला येण्यापूर्वी तो आगामी हंगामासाठी सराव करताना दिसून आला होता. आता मसूरीत विवाह सोहळा झाल्यानंतर तो पुन्हा एकदा सराव करताना दिसेल. आयपीएल स्पर्धेत चेन्नईचा पहिला सामना २३ मार्चला मुंबई इंडियन्सविरुद्ध होणार आहे. तर गेल्या हंगामात दिल्ली कॅपिटल्स संघाचं प्रतिनिधित्व केलेला रिषभ पंत या हंगामात लखनऊ सुपर जांयट्स संघाकडून खेळताना दिसून येणार आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.