Jasprit Bumrah News In Marathi: भारत आणि ऑस्ट्रेलिया यांच्यातील पहिला कसोटी सामना पर्थच्या मैदानावर सुरु आहे. या मालिकेतील पहिल्या सामन्यात रोहित शर्मा उपलब्ध नसल्याने नेतृत्वाची जबाबदारी जसप्रीत बुमराहकडे सोपवण्यात आली आहे.
मालिकेतील पहिल्याच दिवशी बुमराहच्या घातक गोलंदाजीसमोर ऑस्ट्रेलियन फलंदाजांनी नांग्या टाकल्या. या डावात गोलंदाजी करताना त्याने ५ गडी बाद केले.
दरम्यान सोशल मीडियावर बुमराहच्या गोलंदाजी अॅक्शनवर चर्चा रंगायला सुरु झाली आहे. जसप्रीत बुमराह फेकी बॉलर असल्याचा आरोप सोशल मीडियावर केला जातोय.
पर्थ कसोटीचा पहिला दिवस बुमराहने गाजवला. ऑस्ट्रेलियन फलंदाजांना सळो की पळो करुन सोडत त्याने ५ गडी बाद केले. या दमदार गोलंदाजीच्या बळावर तो ऑस्ट्रेलियान वृत्तपत्रांच्या फ्रंट पेजवर झळकला.
जिकडे तिकडे बुमराहची हवा पाहायला मिळाली. दरम्यान काही युझर्स सोशल मीडियावर, जसप्रीत बुमराहची गोलंदाजी अॅक्शन फेकी असल्याचा आरोप करत आहेत. युझर्सकडून त्याच्या गोलंदाजी अॅक्शनवर प्रश्नचिन्ह उपस्थित केले जात आहेत.
या सामन्यातील पहिल्या डावात गोलंदाजी करताना बुमराहने सर्वाधिक ५ गडी बाद केले. त्याने या डावात १८ षटक गोलंदाजी केली आणि ३० धावा खर्च करत ५ गडी बाद केले. या शानदार गोलंदाजीच्या बळावर ऑस्ट्रेलियाचा डाव अवघ्या १०४ धावांवर आटोपला.
ऑस्ट्रेलियाकडून फलंदाजी करताना कुठल्याच फलंदाजाला मोठी खेळी करता आली नाही. शेवटी फलंदाजी करताना मिचेल स्टार्कने सर्वाधिक २६ धावांची खेळी केली.
या सामन्यातील पहिल्या डावात फलंदाजी करताना १५० धावा करता आल्या. भारतीय संघाकडून पहिल्या डावात फलंदाजी करताना नितीश कुमार रेड्डीने सर्वाधिक ४१ धावांची खेळी केली. तर रिषभ पंतने ३७ आणि केएल राहुलने २६ धावांची खेळी केली.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.