Mitchell Starc- Harshit Rana, IND vs AUS 1st Test Day 2: भारत आणि ऑस्ट्रेलिया यांच्यातील ५ कसोटी सामन्यांच्या मालिकेतील पहिला कसोटी सामना पर्थच्या मैदानावर सुरु आहे. या सामन्यातील दुसऱ्या दिवशी भारतीय गोलंदाजांनी ऑस्ट्रेलियाचा डाव १०४ धावांवर गुंडाळला.
शेवटी मिचेल स्टार्क आणि हेजलवूड यांच्यात महत्वपूर्ण भागीदारी झाली. ही भागीदारी सुरु असताना, भारतीय वेगवान गोलंदाजांनी चांगलाच हल्लाबोल केला. आपला पहिलाच सामना खेळत असलेल्या हर्षित राणाचे काही चेंडू मिचेल स्टार्कच्या अंगाला आणि हेल्मेटला जाऊन लागले. दरम्यान दोघांमध्ये मजेशीर चर्चा देखील झाली, ज्याचा व्हिडिओ सध्या सोशल मीडियावर तुफान व्हायरल होतोय.
आयपीएल स्पर्धेत धुमाकूळ घालणाऱ्या हर्षितला ऑस्ट्रेलियाविरुद्धच्या सामन्यातून कसोटी पदार्पण करण्याची संधी मिळाली. या संधीची फायदा घेत त्याने शानदार गोलंदाजी केली. दरम्यान हर्षितचा एक चेंडू उसळी घेऊन स्टार्कच्या बॅटला लागला आणि स्लिपमध्ये गेला.
त्यावेळी स्टार्कने तोंडाने उत्तर दिलं, स्टार्क म्हणाला, 'मी तुझ्यापेक्षा वेगवान चेंडू टाकतो,तुला माझ्याही गोलंदाजीचा सामना करावा लागणार आहे..' हर्षित राणानेही त्याला हसत उत्तर दिलं. हा व्हिडिओ सोशल मीडियावर तुफान व्हायरल होतोय.
आता स्टार्क गोलंदाजीला आल्यानंतर राणालाही त्याच्या खतरनाक चेंडूंचा सामना करावा लागणार आहे. ही लढत पाहणं मजेशीर ठरेल.
हर्षित राणा आपल्या आंतरराष्ट्रीय कारकिर्दीतील पहिलाच सामना खेळतोय. त्याने पहिल्याच सामन्यात, भारतीय संघाला नडणाऱ्या ट्रेविस हेडची दांडी गुल केली. यासह त्याने आपल्या कसोटी कारकिर्दीची सुरुवात केली. हा व्हिडिओ सध्या तुफान व्हायरल होतोय.
या सामन्यातील पहिल्या डावात कर्णधार जसप्रीत बुमराहच्या शानदार गोलंदाजीचा जलवा पाहायला मिळाला आहे. त्याने मालिकेतील पहिल्याच डावात ५ विकेट्स घेत दमदार सुरुवात केली आहे. बुमराहने ११ व्या वेळेस कसोटी क्रिकेटमध्ये ५ विकेट्स घेण्याचा कारनामा करुन दाखवला आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.