Team India News: या 5 खेळाडूंची वनडे कारकिर्द जवळजवळ संपली! निवृत्तीशिवाय पर्याय नाही

भारत आणि श्रीलंका मालिकेसाठी भारतीय संघाने श्रीलंकेची वाट धरली आहे. रोहित शर्माने टी-२० आंतरराष्ट्रीय क्रिकेटला रामराम केल्यानंतर सूर्यकुमार यादव पहिल्यांदाच भारतीय संघाचं नेतृत्व करताना दिसून येणार आहे.

दरम्यान या मालिकेसाठी निवड होताच ५ खेळाडू असे आहेत, ज्यांची वनडे कारकिर्द जवळजवळ संपुष्टात आली आहे.

रविंद्र जडेजा

भारतीय संघातील अनुभवी खेळाडू रविंद्र जडेजाला श्रीलंकेविरुद्धच्या वनडे मालिकेसाठी संघात स्थान देण्यात आलेलं नाही. त्याच्या जागी वॉशिंग्टन सुंदर आणि अक्षर पटेलला संघात स्थान दिलं जात आहे.

आर अश्विन

आर अश्विनने आतापर्यंत ११६ वनडे सामन्यांमध्ये १५६ गडी बाद केले आहेत. मात्र गेल्या काही महिन्यांपासून त्याला वनडे संघात स्थान देण्यात आलेलं नाही. यावरुन असं म्हटलं जात आहे की, त्याची वनडे कारकिर्द संपली आहे.

भुवनेश्वर कुमार

भारताचा स्टार वेगवान गोलंदाज भुवनेश्वर कुमार गेल्या काही वर्षांपासून भारतीय संघात स्थान मिळवण्याच्या प्रयत्नात आहे. २०२२ मध्ये तो आपला शेवटचा सामना खेळण्यासाठी मैदानात उतरला होता. त्यानंतर त्याला संधी मिळालेली नाही.

क्रृणाल पंड्या

हार्दिक पंड्याला संधी मिळतेय, मात्र क्रृणाल पंड्याला संघात स्थान मिळत नाहीये. त्याला आतापर्यंत केवळ ५ वनडे सामने खेळण्याची संधी मिळाली आहे.

मयांक अगरवाल

मयांक अगरवालला २०२० मध्ये पदार्पण करण्याची संधी मिळाली होती. मात्र फॉर्ममध्ये सातत्य राखून ठेवता न आल्याने मयांकला संघातील स्थान गमवावं लागलं होतं.