IND vs ZIM, 4th T20I: रोहितच्या भिडूला गिल बसवणार? या गोलंदाजाला मिळू शकते संधी! पाहा प्लेइंग 11

भारत आणि झिम्बाब्वे या दोन्ही संघांमध्ये ५ कसोटी सामन्यांची मालिका सुरु आहे. या मालिकेत आतापर्यंत ३ सामने खेळले गेले आहेत. या मालिकेतील पहिल्या सामन्यात भारतीय संघाला पराभवाचा सामना करावा लागला होता. त्यानंतर दुसऱ्या सामन्यात भारतीय संघाने दमदार कमबॅक करत मालिका १-१ च्या बरोबरीत आणली.

त्यानंतर तिसऱ्या सामन्यात विजय मिळवून भारतीय संघाने मालिकेत २-१ ने आघाडी घेतली आहे. त्यामुळे चौथा सामना जिंकून भारतीय संघ या मालिकेवर नाव कोरण्याच्या प्रयत्नात असणार आहे. दरम्यान चौथ्या सामन्यासाठी भारतीय संघाच्या प्लेइंग ११ मध्ये बदल पाहायला मिळू शकतो.

आतापर्यंत भारतीय संघाने ३ सामने खेळले आहेत. या तिन्ही सामन्यांमध्ये भारतीय संघाच्या प्लेइंग ११ मध्ये बदल पाहायला मिळाले आहे. त्यामुळे चौथ्या सामन्यातही भारतीय संघाच्या प्लेइंग ११ मध्ये बदल होण्याची दाट शक्यता वर्तवली जात आहे. रियान परागला या मालिकेत हवी तितकी संधी मिळालेली नाही. त्यामुळे असा अंदाज व्यक्त केला जात आहे की, त्याला चौथ्या सामन्यासाठी भारतीय संघाच्या प्लेइंग ११ मध्ये स्थान दिलं जाऊ शकतं.

त्याला संधी मिळाल्यास शिवम दुबेला विश्रांती दिली जाऊ शकते. यासह गोलंदाजीत एक मोठा बदल पाहायला मिळू शकतो. या सामन्यासाठी तुषार देशपांडेला प्लेइंग ११ मध्ये संधी दिली जाऊ शकते. जर मुकेश कुमारला आणखी एका सामन्यात विश्रांती दिली गेली, तर खलील अहमद किंवा आवेश खानला विश्रांती देऊन तुषार देशपांडेला विश्रांती दिली जाऊ शकते.

या सामन्यासाठी अशी असू शकते भारतीय संघाची प्लेइंग ११:

शुभमन गिल (कर्णधार), यशस्वी जायस्वाल, अभिषेक शर्मा, ऋतुराज गायकवाड़, संजू सॅमसन, शिवम दुबे, रिंकू सिंग, वॉशिंग्टन सुंदर, रवि बिश्नोई, तुषार देशपांडे, खलील अहमद.