भारत आणि झिम्बाब्वे या दोन्ही संघांमध्ये ५ टी-२० सामन्यांची मालिका सुरु आहे. या मालिकेतील चौथा सामना आज हरारेच्या मैदानावर रंगणार आहे. या मालिकेतील पहिल्या सामन्यात भारतीय संघाला पराभवाचा सामना करावा लागला होता. तर मालिकेतील पुढील दोन्ही सामने जिंकून भारतीय संघाने मालिकेत २-१ ने आघाडी घेतली आहे. दरम्यान मालिकेतील चौथा सामना जिंकून भारतीय संघ मालिकेत आघाडी घेण्याच्या प्रयत्नात असणार आहे.
हा सामना भारतीय वेळेनुसार संध्याकाळी ४:३० वाजता सुरु होणार आहे. या सामन्यावेळी पाऊस पडण्याची शक्यता ही १५ टक्के इतकी असणार आहे. गेल्या काही सामन्यांमध्येही पाऊस पडण्याचा अंदाज वर्तवण्यात आला होता. मात्र पावसाचं आगमन झालं नव्हतं. या सामन्यावेळी तापमान ३१ डिग्री सेल्सिअसच्या आसपास असेल असा अंदाज वर्तवण्यात आला आहे.
गेल्या काही सामन्यांमधील निकाल पाहिला, तर खेळपट्टी फलंदाजीसाठी अनुकूल असल्याचे पाहायला मिळाले आहे. वेगवान गोलंदाजांना या खेळपट्टीतून मदत मिळत असल्याचे पाहायला मिळाले आहे. मालिकेतील पहिल्या सामन्यात भारतीय संघाचा डाव लवकर आटोपला होता. मात्र त्यानंतर दुसऱ्या सामन्यात भारतीय फलंदाजांनी दमदार कमबॅक केल्याचे पाहायला मिळाले होते. या सामन्यातही फलंदाजांचा बोलबाला पाहायला मिळू शकतो.
या मालिकेबद्दल बोलायचं झालं, तर भारतीय संघाने मालिकेत २-१ ने आघाडी घेतली आहे. मालिकेतील पहिल्याच सामन्यात भारतीय संघाला दारुण पराभवाचा सामना करावा लागला होता. त्यानंतर पुढील दोन्ही सामन्यांमध्ये भारतीय संघाने दमदार कमबॅक केलं. पुढील दोन्ही सामने जिंकून भारतीय संघाने या मालिकेत २-१ ने आघाडी घेतली आहे.
शुभमन गिल (कर्णधार), यशस्वी जायस्वाल, अभिषेक शर्मा, ऋतुराज गायकवाड़, संजू सॅमसन, शिवम दुबे, रिंकू सिंग, वॉशिंग्टन सुंदर, रवि बिश्नोई, तुषार देशपांडे, खलील अहमद
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.