India vs South Africa 1st ODI: भारताचा कूल 'दीप'; रांचीत दक्षिण आफ्रिकेचा धुव्वा, आफ्रिकेचा संघ यादवाच्या फिरकीत अडकला

दक्षिण आफ्रिकेविरुद्धच्या कसोटी झालेल्या पराभवाचा वचका भारतीय संघाने एकदिवसीय सामन्याच्या मालिकेत घेतला. मालिकेच्या पहिल्या सामन्यात भारतीय संघाने दक्षिण आफ्रिकेचा १७ धावांनी दारूण पराभव केला.

रांची वनडेमध्ये अनुभवी खेळाडूंनी जबरदस्त खेळ करत दक्षिण आफ्रिकेला चीत केलं. फलंदाजीत विराट कोहली आणि रोहित शर्मा नंतर कर्णधार के एल राहुल यांनी चांगली कामगिरी केली. त्यानंतर गोलंदाजीत हर्षित राणा आणि कुलदीप यादवनेही टीम इंडियाला यश मिळवून दिलं. कुलदीपनं तीन चेंडूत दोन विकेट घेतल्या सामना भारताच्या बाजूने बळवला. कुलदीपने त्याच्या शेवटच्या षटकात चौथी विकेट घेतली.कुलदीप यादवने ६८ धावा देत ४ विकेट घेतल्या. त्याच्या या कामगिरीमुळे टीम इंडियाला मोठा विजय मिळाला.

केएल राहुलच्या नेतृत्त्वात खेळणाऱ्या भारतीय संघाने शानदार विजय मिळवला. दक्षिण आफ्रिकेने नाणेफेक जिंकून प्रथम गोलंदाजी करण्याचा निर्णय घेतला. भारतीय संघाला फलंदाजी करण्यास आमंत्रण दिलं, जेणेकरुन टीम इंडियाला कमी धाव संख्येत रोखू, परंतु हा निर्णय पूर्णपणे चुकला. कारण रोहित शर्मा आणि किंग कोहलीनं आफ्रिकेच्या गोलंदाजांना चोपून काढलं. त्यानंतर गोलंदाजांनी आफ्रिकेच्या फलंदाजांना दबावात ठेवत मोठी खेळी खेळण्यापासून रोखलं.

३५० धावांचा पाठलाग करणाऱ्या दक्षिण आफ्रिकेची सुरुवात निराशाजनक झाली. हर्षित राणाने डावाच्या दुसऱ्या आणि पहिल्या षटकात दक्षिण आफ्रिकेला दोन मोठे धक्के दिले. रायन रिकेलटन बाद झाला आणि त्यानंतर त्याच षटकात क्विंटन डी कॉक बाद झाला.

त्यावेळी दक्षिण आफ्रिकेची धावसंख्या ७ धावांवर होता. त्यानंतर पाचव्या षटकात मार्कराम हा अर्शदीप सिंगचा बळी ठरला. त्यानंतर जोझी आणि मॅथ्यूज यांनी एक जबरदस्त भागीदारी रचली.पण १५ व्या षटकात जोझीला कुलदीप यादवने बाद केले. त्यानंतर ब्रेव्हिसने एक दमदार खेळी केली. पण त्यानंतर जॅन्सेन आणि ब्रिएट्झके यांनी ९७ धावांची शानदार भागीदारी केली. जॅन्सेनने फक्त २६ चेंडूत आपले अर्धशतक पूर्ण केले. पण ३३ व्या षटकात कुलदीपने जॅन्सेनला बाद करत ही भागीदारी मोडली.