IND vs WI 5th T20 Match Result: भारत विरुद्ध वेस्टइंडीज या दोन्ही संघांमध्ये ५ टी -२० सामन्यांची मालिका पार पडली. या मालिकेतील पाचवा आणि निर्णायक सामना फ्लोरिडाच्या मैदानावर पार पडला. या सामन्यात भारतीय संघाला पराभवाचा सामना करावा लागला आहे. वेस्टइंडीज संघाने हा सामना ८ गडी राखून जिंकला आहे. यासह वेस्टइंडीजने ही मालिका ३-२ ने खिशात घातली आहे.
वेस्टइंडीज संघाने या मालिकेला चांगली सुरुवात केली होती. मालिकेतील सुरुवातीच्या दोन्ही सामन्यात भारतीय संघाला पराभवाचा सामना करावा लागला होता. तर मालिकेतील पुढील २ सामन्यांमध्ये भारतीय संघाने दमदार कामगिरी करत विजय मिळवला होता. मात्र अंतिम सामना भारतीय संघाला गमवावा लागला आहे. या सामन्यासह भारतीय संघाने मालिका देखील गमावली आहे.
या सामन्याबद्दल बोलायचं झालं तर, भारतीय संघाने नाणेफेक जिंकून प्रथम फलंदाजी करण्याचा निर्णय घेतला होता. मात्र संघातील सलामीवीर फलंदाजांना हवी तशी कामगिरी करता आली नाही. यशस्वी जयस्वाल ५ तर शुबमन गिलने ९ धावा केल्या. तर सूर्यकुमार यादवने ६१ धावांची ताबडतोड खेळी केली. या खेळीदरम्यान त्याने ४ चौकार आणि ३ षटकार मारले. तर तिलक वर्माने २७ धावांचे बहुमूल्य योगदान दिले. या खेळीच्या जोरावर भारतीय संघाने ९ गडी बाद १६५ धावा केल्या होत्या. (Latest sports updates)
या धावांचा पाठलाग करताना ब्रेंडन किंगने ५५ चेंडूंचा सामना करत ५ चौकार आणि ६ षटकारांच्या साहाय्याने नाबाद ८५ धावांची खेळी केली. तर निकोलस पुरनने ४७ धावांचे योगदान दिले. शेवटी शाई होपने नाबाद २२ धावांचे योगदान देत वेस्टइंडीजला ८ गडी राखून विजय मिळवून दिला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.