![Ishan Kishan Funny Video](http://media.assettype.com/saamtv%2F2023-09%2F0919cdd3-e93c-44bc-b9c2-d56fa20c368b%2FISHAN_KISHAN.jpg?w=480&auto=format%2Ccompress&fit=max)
आशिया चषकाचा अंतिम सामना रविवारी पार पडला. या सामन्यात भारतीय संघाने श्रीलंकेवर जोरदार विजय मिळवला आहे. यासह आठव्यांदा आशिया चषककावर नाव कोरलं आहे. हा विजय मिळवल्यानंतर भारतीय संघातील खेळाडू जल्लोष साजरा करताना दिसून आले. दरम्यान ईशान किशनचा एक मजेशीर व्हिडिओ सध्या सोशल मीडियावर तुफान व्हायरल होऊ लागला आहे.
ईशान किशन हा मैदानावर असताना आपल्या आक्रमक फलंदाजीने चाहत्यांचे मनोरंजन करतो. तर मैदानाबाहेर असताना तो अनेकदा मस्ती करताना दिसून येत असतो. एक व्हिडिओ सोशल तुफान व्हायरल होतोय ज्यात ईशान किशन विराट कोहलीच्या चालण्याच्या स्टाईलची नक्कल करताना दिसून येतोय. त्यावेळी संघातील इतर खेळाडूंना हसू आवरलं नाही.
श्रीलंकेचा डाव ५० धावांवर संपुष्टात..
अंतिम सामन्यात मोहम्मद सिराजच्या गोलंदाजीची जादू पाहायला मिळाली. या सामन्यात त्याने ६ गडी बाद केले. यासह श्रीलंकेचा संपूर्ण डाव अवघ्या १५.२ षटकात ५० धावांवर संपुष्टात आला. या धावांचा पाठलाग करताना भारतीय संघाकडून ईशान किशन आणि शुबमन गिलची जोडी मैदानावर आली होती.
दोघांनी हाणामारी करत सामना ६.१ षटकात भारतीय संघाला जिंकून दिला. या डावात ईशानने २३ धावांची खेळी केली. तर शुबमन गिलने २७ धावांची खेळी करत संघाला विजय मिळवून दिला. (Latest sports updates)
आशिया चषकात त्याने भारतीय संघासाठी दमदार कामगिरी केली आहे. त्याने साखळी फेरीतील सामन्यात पाकिस्तानविरुद्ध झालेल्या सामन्यात ८२ धावांची तुफानी खेळी केली होती. या सामन्यात त्याने हार्दिक पंड्यासोबत मिळून महत्वाची भागीदारी केली होती. त्याने या स्पर्धेतील ४ डावात १४३ धावा केल्या आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.