Ind Vs Nz Live : कॅमेरामॅन जोमात, प्रेक्षक कोमात; फायनलमध्ये खेळाडूंपेक्षा या गोष्टींची होतेय चर्चा

Ind Vs Nz Final Match : चॅम्पियन्स ट्रॉफी २०२५ चा अंतिम सामना दुबईमध्ये सुरु आहे. या सामन्यामध्ये भारत आणि न्यूझीलंड हे दोन बलाढ्य संघ आमनेसामने आले आहेत. न्यूझीलंडने टॉस जिंकत प्रथम फलंदाजी करण्याचा निर्णय घेतला. सामन्यामध्ये आतापर्यंत भारतीय फिरकीपटू गोलंदाज न्यूझीलंडच्या फलंदाजांवर वरचढ ठरत असल्याचे पाहायला मिळत आहे.

भारत विरुद्ध न्यूझीलंड अंतिम सामना पाहण्यासाठी अनुष्का शर्मासह अनेक बॉलिवूड कलाकार दुबईत पोहोचले आहेत. सेलिब्रिटींसह अनेक प्रसिद्ध चेहरे स्टेडियममध्ये पाहायला मिळत आहेत. दरम्यान सामना सुरु असताना क्रिकेटपटूंपेक्षा कॅमेरामॅनची चर्चा होत आहे. कॅमेरामॅन हे मैदानात कमी आणि स्टेडियमच्या आत बसलेल्या चाहत्यांवर अधिक फोकस करत असल्याचे नेटकरी म्हणत आहेत.

सोशल मीडियावर भारत विरुद्ध न्यूझीलंड सामन्यातील कॅमेरामॅन मंडळींची चर्चा होत आहेत. हे लोक खेळाडूंच्या पेक्षा जास्त वेळ चाहत्यांवर फोकस करत आहेत, अशी प्रतिक्रिया लोक सोशल मीडियावर देत आहेत. याबाबत अनेक मीम्स देखील पोस्ट केले जात आहेत. हे मीम्स, व्हिडीओ आणि पोस्ट्स सोशल मीडियावर व्हायरल होत आहेत.

भारतीय फिरकीपटूंची जादू आजच्या सामन्यात पाहायला मिळत आहे. वरुण चक्रवर्तीने न्यूझीलंडला पहिला धक्का दिला. पुढे कुलदीपने रचिन रविंद्र आणि केन विलियम्सन यांना बाद केले. त्यानंतर रविंद्र जडेजाने टॉम लॅथम आऊट केले. आतापर्यंत न्यूझीलंडचे ४ गडी बाद झाले आहेत.