Sarfaraz Khan, Ind vs NZ 3rd Test: भारत आणि न्यूझीलंड यांच्यातील तिसऱ्या कसोटी सामन्याचा थरार मुंबईतील वानखेडे स्टेडियमवर सुरू आहे. या सामन्यात न्यूझीलंडचा संघ प्रथम फलंदाजीसाठी उतरला होता. दरम्यान पहिल्याच दिवशी एका घटनेने सर्वांचं लक्ष वेधून घेतलं आहे. शॉर्ट लेगला क्षेत्ररक्षण करत असलेल्या सरफराज खानला अंपायरने चेतावणी दिली. नेमकं काय घडलं? जाणून घ्या.
या मालिकेत भारतीय संघ २-० ने पिछाडीवर आहे. त्यामुळे मालिकेतील तिसरा सामना भारतीय संघासाठी अतिशय महत्वाचा आहे. भारतीय संघाने मायदेशात खेळताना यापूर्वी कधीच सलग ३ सामने गमावलेला नाही.
त्यामुळे भारतीय खेळाडू पूर्ण जोर लावताना दिसून येत आहेत. हा सामना सुरू असताना अंपायर सरफराज खानला चेतावणी देताना दिसून आले. यासह त्याची तक्रार अंपायरकडेही केली.
पहिल्या डावातील ३२ वे षटक सुरू होण्यापूर्वी अंपायर आणि रोहित शर्मा यांच्यात बराच वेळ चर्चा झाली. सरफराज खान फलंदाजाच्या अगदी जवळ उभा राहून क्षेत्ररक्षण करतो. क्षेत्ररक्षण करत असताना तो फलंदाजाला काहीतरी बोलत होता.
सरफराज खान इतकं काही बोलत होता, की न्यूझीलंडचा फलंदाज डॅरील मिशेलला एकाग्र होऊन खेळता येत नव्हतं. त्यामुळे त्याने अंपायरकडे तक्रार केली. त्यावेळी रोहित शर्मा त्याच्या बचावासाठी पुढे आला. यासह विराट कोहलीही त्याचा बचाव करण्यासाठी पुढे आला. या तिघांमध्ये बराच वेळ चर्चा सुरू होती.
पहिल्या दिवशी न्यूझीलंडने नाणेफेक जिंकून प्रथम फलंदाजीचा निर्णय घेतला. प्रथम फलंदाजी करताना न्यूझीलंडकडून डॅरील मिशेलने सर्वाधिक ८२ धावांची खेळी केली. तर विल यंगला ७१ धावा करता आल्या. न्यूझीलंडचा डाव २३५ धावांवर आटोपला. भारताकडून गोलंदाजी करताना वॉशिग्टंन सुंदरने ४ तर रविंद्र जडेजाने ५ गडी बाद केले
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.