भारत आणि ऑस्ट्रेलिया या दोन्ही संघांमध्ये जेव्हा सामना होतो, तेव्हा एक फलंदाज भारतीय गोलंदाजांना नेहमी नडतो. तो फलंदाज म्हणजे डावखुऱ्या हाताचा ट्रेविस हेड. मालिकेतील सुरुवातीच्या तिन्ही सामन्यांमध्ये ट्रेविस हेडने दमदार कामगिरी केली आहे. मात्र मेलबर्नमध्ये सुरु असलेल्या चौथ्या कसोटीत बुमराहने त्याला स्वस्तात बाद करत माघारी धाडलं आहे.
तर झाले असे की, या सामन्यात ऑस्ट्रेलियाने नाणेफेक जिंकून प्रथम फलंदाजी करण्याचा निर्णय घेतला. या सामन्यात ऑस्ट्रेलियाला दमदार सुरुवात मिळाली होती. मात्र त्यानंतर जसप्रीत बुमराहने भारतीय संघाला कमबॅक करुन दिलं.
पहिल्या सेशनमध्ये भारतीय गोलंदाजांना केवळ १ गडी बाद करता आला. त्यानंतर दुसऱ्या आणि तिसऱ्या सेशनमध्ये बुमराहच्या धारदार गोलंदाजीवर ऑस्ट्रेलियन फलंदाजांची पळता भुई थोडी झाली.
तर झाले असे की, ऑस्ट्रेलियाची फलंदाजी सुरु असताना ट्रेविस हेड पाचव्या क्रमांकावर फलंदाजीला आला. ज्यावेळी तो फलंदाजीला आला. त्यावेळी ऑस्ट्रेलियाचा संघ मजबूत स्थितीत होता. मात्र बुमराहने विकेट मिळवून देत, भारतीय संघाला कमबॅक करुन दिलं.
भारतीय संघाकडून ६७ वे षटक टाकण्यासाठी जसप्रीत बुमराह गोलंदाजीला आला. या षटकातील चौथा चेंडू गुड लेंथवर टाकला. हेडने हा चेंडू सोडून दिला. मात्र चेंडूला हवी तितकी उसळी मिळाली नाही. त्यामुळे हा चेंडू ऑफ स्टम्प उडवून गेला. बुमराहने टाकलेला हा चेंडू पाहून ट्रेविस हेडही शॉक झाला.
या सामन्यासाठी अशी आहे भारतीय संघाची प्लेइंग ११:
यशस्वी जयस्वाल, केएल राहुल, रोहित शर्मा (कर्णधार), विराट कोहली, रिषभ पंत, नितीश कुमार रेड्डी, रविंद्र जडेजा, वॉशिंग्टन सुंदर, जसप्रीत बुमराह, मोहम्मद सिराज आणि आकाश दीप.
या सामन्यासाठी अशी आहे ऑस्ट्रेलियाची प्लेइंग ११ :
उस्मान ख्वाजा, सॅम कॉन्स्टास, मार्नस लाबुशेन, स्टीव्ह स्मिथ, ट्रेव्हिस हेड, मिचेल मार्श, अलेक्स केरी (विकेटकीपर), पॅट कमिन्स (कर्णधार), मिचेल स्टार्क, नेथन लायन, स्टॉट बोलंड
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.