India vs Afghanistan: Ishan Kishan Suffers Back Injury During Practice : अफगाणिस्तानविरुद्ध टी-२० मालिकेआधीच भारतीय संघाला मोठा झटका बसला आहे. अरुण जेटली क्रिकेट स्टेडियमवर सराव करताना ईशान किशनला त्रास जाणवला. त्यानंतर त्याला मध्यंतरीच आपली फलंदाजी थांबवावी लागली. वेगवान गोलंदाज नवदीप सैनीच्या एका बाऊन्सरवर बचाव करताना त्याच्या पाठीला दुखापत झाली. वेदना जास्त होत असल्यानं फिजिओला तात्काळ मैदानावर येऊन त्याची तपासणी करावी लागली. ईशान काही वेळ गुडघ्यावर बसून राहिला आणि नंतर कंबर धरून मैदानाबाहेर निघून गेला. तो पुन्हा फलंदाजीसाठी येऊ शकला नाही. त्यामुळे आता तो अफगाणिस्तानविरुद्धच्या मालिकेत खेळणार की नाही, अशी शंका निर्माण झाली आहे.
टी २० मालिकेआधीच ईशान किशन जायबंदी (Ishan Kishan injured ahead of Afghanistan T20 series) होणे ही टीम इंडियासाठी धोक्याची घंटा, तसेच अत्यंत चिंताजनक बाब आहे. सध्याच्या संघातील खेळाडूंमध्ये ईशान सध्या सॉलिड फॉर्ममध्ये आहे. अलीकडेच दुलीप ट्रॉफीच्या फायनलमध्ये २७० आणि ८० धावांची संयमी खेळी करून संघाला जेतेपद मिळवून दिले. पीटीआय या वृत्तसंस्थेच्या माहितीनुसार, सराव सत्रातही ईशान स्पिनरची धुलाई करत होता. चौकार-षटकारांची आतषबाजी करत होता. आता सरावातच ईशानला दुखापत झाली आहे. ती किती गंभीर आहे. तो मालिकेत खेळू शकेल की नाही, याबाबत पुढील २४ तासांत वैद्यकीय टीमच्या तपासणीनंतरच कळू शकणार आहे.
ईशान किशन याआधी दुलीप ट्रॉफीमध्ये ईस्ट झोनचे नेतृत्व करत होता. त्याच्या नेतृत्वात संघ १३ वर्षांनंतर दुलीप ट्रॉफीचे विजेतेपद मिळवण्यात यशस्वी ठरला. त्याच्या संघानं पहिल्या डावातच आघाडी घेतली होती. ईशान किशनने २७० धावांची संयमी खेळी केली होती. त्या जोरावर ७०८ धावांचा डोंगर उभा करण्यात संघ यशस्वी झाला होता. ईशानला सामनावीर पुरस्कार देण्यात आला.
भारत आणि अफगाणिस्तान (India Vs Afghanistan) यांच्यात तीन टी-२० सामन्यांची मालिका होणार आहे. यजमानपद अफगाणिस्तानकडे असेल. हे सर्व सामने दिल्लीच्या अरुण जेटली स्टेडियमवर १३, १५ आणि १७ सप्टेंबरला होतील. दुखापतीमुळं आधीच वेगवान गोलंदाज हर्षित राणा मालिकेत खेळणार नाही. एशियन गेम्समधूनही तो आऊट झालाय. यश ठाकूरला संधी मिळाली आहे. जसप्रीत बुमराह पूर्णपणे तंदुरुस्त झाला आहे. तो खेळण्यासाठी सज्ज झालाय. आता ईशान या मालिकेत खेळू शकेल की नाही, हे आगामी काळातच स्पष्ट होईल.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.