नुकताच इंग्लंड विरुद्ध श्रीलंका या दोन्ही संघांमध्ये कसोटी मालिकेचा थरार पार पडला. या मालिकेतील शेवटच्या सामन्यात श्रीलंकेने इंग्लंडला पराभूत केलं. मात्र इंग्लंडने मालिका आपल्या खिशात घातली.
या मालिकेनंतर आयसीसीने टेस्ट रँकिंगची घोषणा केली आहे. या यादीत टॉप १० मध्ये असलेल्या फलदाजांची चांजी झाल्याचे पाहायला मिळाले आहे. ज्यात भारताचा कर्णधार रोहित शर्मा, विराट कोहली आणि यशस्वी जयस्वाल यांचा समावेश आहे.
इंग्लंडचा स्टार फलंदाज जो रुट अव्वल स्थानी कायम आहे. तर भारताचा कर्णधार रोहित शर्माने टॉप ५ मध्ये एन्ट्री केली आहे. भारतीय संघ ५ महिन्यांपूर्वी आपला शेवटचा सामना खेळण्यासाठी मैदानात उतरला होता. मार्चनंतर भारतीय संघाने एकही कसोटी सामना खेळलेला नाही. तरीदेखील ७५१ रेटींग पॉईंट्ससह रोहित पाचव्या स्थानी पोहोचला आहे.
तर यशस्वी जयस्वाल (७४० रेटींग पॉईंट्स) आणि विराट कोहली (७३७ रेटींग पॉईंट्स) यांनाही चांगलाच फायदा झाला आहे. यशस्वी जयस्वाल सहाव्या तर विराट कोहली सातव्या स्थानी पोहोचला आहे. यासह ७२८ रेटींग पॉईंट्ससह ऑस्ट्रेलियाचा स्टार फलंदाज उस्मान ख्वाजा आठव्या स्थानी पोहोचला आहे.
कसोटी क्रिकेटमधील टॉप १० फलंदाजांच्या रँकिंगमध्ये ३ भारतीय खेळाडूंनी प्रवेश केला आहे. पाकिस्तानचा यष्टीरक्षक फलंदाज मोहम्मद रिजवान ७२० रेटींग पॉईंट्ससह नवव्या स्थानी, तर ऑस्ट्रेलियाचा फलंदाज मार्नस लाबुशेन ७२० रेटींग पॉईंट्ससह दहाव्या स्थानी आहे.
पाकिस्तानचा अनुभवी फलंदाद बाबर आझम या यादीत टॉप १० मध्ये होता, मात्र बांगलादेशविरुद्ध झालेल्या मालिकेतील फ्लॉप शो नंतर बाबर आझमची टॉप १० मधून सुट्टी झाली आहे. तो ७१२ रेटींग पॉईंट्ससह अकराव्या स्थानी जाऊन पोहोचला आहे. तर इंग्लंडचा आक्रमक फलंदाज हॅरा ब्रुक ७०९ रेटींग पॉईंट्ससह १२ व्या स्थानी सरकला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.