Powerplay New Rule : ICCचा मोठा निर्णय! T20 मध्ये पावरप्लेचा नियम बदलला, कधीपासून लागू आणि कुणाला होणार फायदा?

नवी दिल्ली : आयसीसीने (ICC) टी-२० आंतरराष्ट्रीय क्रिकेटच्या नियमांमध्ये मोठा बदल करून ते आणखी रोमांचक बनवले आहेत. खरंतर, पॉवरप्लेबाबत हा बदल करण्यात आला आहे, ज्याचा फायदा थेट फलंदाजांना होईल, त्याचदरम्यान, गोलंदाजांपेक्षा फलंदाजांना जास्त सुविधा दिल्याचे आरोप आधीच झाले होते. हा बदल गोलंदाजांसाठी पुन्हा एकदा वाईट बातमी आहे. जाणून घेऊया हा बदल काय आहे आणि त्याचा काय परिणाम होईल.

टी-२० आंतरराष्ट्रीय क्रिकेटला रोमांचक बनवण्यासाठी आयसीसीने आणखी एक बदल केला आहे. ज्याचा फायदा भविष्यात फलंदाजांना होईल आणि त्याचा तोटा थेट गोलंदाजी संघावर किंवा दुसऱ्या शब्दांत गोलंदाजांवर होईल. खरंतर, टी-२० क्रिकेटमध्ये, साधारणपणे एकूण २० षटकांपैकी ३० टक्के षटकांचा वापर पॉवरप्ले अंतर्गत केला जातो. परंतु जेव्हा काही कारणास्तव, पाऊस असो किंवा खेळपट्टी चांगली नसेल, षटक कमी केले जातात, तेव्हा त्यानुसार पॉवरप्ले षटक दिले जात नाहीत.

याबाबत आयसीसीने पॉवरप्लेचे नियम बदलले आहेत. आता षटकांच्या कपातीसोबतच पॉवरप्लेचे षटकेही त्यानुसार दिले जातील आणि त्यासाठीही तोच ३० टक्के नियम पाळला जाईल. आयसीसीच्या नवीन नियमानुसार, षटकांची संख्या कितीही कमी असली तरी, पॉवरप्ले त्याच्या ३० टक्क्यांपर्यंत असेल. पूर्वी, जर सामने ८ षटकांचे असतील तर २ षटकांचा पॉवरप्ले दिला जात होता, परंतु आता नवीन नियमानुसार, २.२ षटकांचा पॉवरप्ले लागू होईल.

नवीन नियमांनुसार, पॉवर प्ले ५ षटकांमध्ये १.३ षटकांचे, ६ षटकांमध्ये १.५ षटकांचे, ७ षटकांमध्ये २.१ षटकांचे, ८ षटकांमध्ये २.२ षटकांचे, ९ षटकांमध्ये २.४ षटकांचे, १० षटकांमध्ये ३ षटकांचे, ११ षटकांमध्ये ३.२ षटकांचे, १२ षटकांमध्ये ३.४ षटकांचे, १३ षटकांमध्ये ३.५ षटकांचे, १४ षटकांमध्ये ४.१ षटकांचे, १५ षटकांमध्ये ४.२ षटकांचे, १६ षटकांमध्ये ४.५ षटकांचे, १७ षटकांमध्ये ५.१ षटकांचे, १८ षटकांमध्ये ५.२ षटकांचे आणि १९ षटकांमध्ये ५.४ षटकांचे असतील.

आयसीसीचा हा नवीन नियम जुलै २०२५ पासून लागू होईल. या नियमामुळे गोलंदाजांच्या अडचणी पुन्हा एकदा वाढल्या आहेत. पूर्वी गोलंदाजांना कमी षटकांचा फायदा मिळत असे आणि त्यांना कमी क्षेत्ररक्षण निर्बंधांमध्ये गोलंदाजी करावी लागत असे, परंतु आता हे शक्य होणार नाही.