ICC ODI Batting Rankings: आंततराष्ट्रीय क्रिकेट काउन्सिल अर्थात आयीसीसीने पाकिस्तान विरुद्ध अफगाणिस्तान यांच्यातील पहिल्या वनडे सामन्यानंतर वनडे रँकिंग जाहीर केली आहे. यामध्ये टीम इंडियाचा युवा सलामीवीर फलंदाज शुभमन गिलने मोठी झेप घेतली आहे. गिलने ७४३ रेटिंग्स पॉईंटसह चौथ्या स्थानावर झेप घेतली असून पाकिस्तानचा विस्फोटक फलंदाज फखर जमानलाही मागे टाकलं आहे. (Latest Marathi News)
यापूर्वी शुभमन गिल पाचव्या स्थानावर होता. मात्र, आता तो चौथ्या स्थानावर पोहचला आहे गिलच्या नावावर ७४३ रेटिंग्स पॉइंट्स जमा झाले आहेत. शुबमन गिल २०२३ वर्षात धमाकेदार कामगिरी करत आहेत. गिलने या वर्षात आतापर्यंत एकूण १२ वनडे सामने खेळले असून ७५० धावा कुटल्या आहेत. यामध्ये ३ शतक आणि २ अर्धशतकाचा समावेश आहे. त्याचा हायस्कोअर २०८ धावा आहे.
पाकिस्तान क्रिकेट टीमचा कर्णधार बाबर आझम याने वनडे रँकिंगमध्ये अव्वल स्थान कायम राखलं आहे. तर इमाम उल हक तिसऱ्या क्रमांकावर आहे. बाबर आझम याला अफगाणिस्तान विरुद्धच्या वनडे सीरिजमधील पहिल्या सामन्यात भोपळाही फोडता आला नाही.
या एकदिवसीय क्रमवारीत भारतीय संघाचा कर्णधार रोहित शर्मा ११ व्या स्थानी कायम आहे. तर कसोटीत टीम इंडियाचा फिरकी गोलंदाज आर अश्विन हा पहिल्या स्थानी आहे. तर रविंद्र जडेजा यानेही अव्वल स्थान कायम ठेवलं आहे.
प्रदीर्घ कालावधीनंतर आंतरराष्ट्रीय क्रिकेटमध्ये पुनरागमन करणाऱ्या जसप्रीत बुमराला टी-20 रँकिंगमध्ये मोठा फायदा झाला आहे. आयर्लंडविरुद्धच्या पहिल्या दोन सामन्यात प्रभावशाली कामगिरी केल्यानंतर जसप्रीत बुमराहला ७ स्थानांचा फायदा झाला असून तो गोलंदाजीत ८४ व्या स्थानावर पोहचला आहे.
याशिवाय लेगस्पिनर रवी बिश्नोईने १७ क्रमांकाची झेप घेत ६५ व्या स्थानावर मजल मारली आहे. सूर्यकुमार यादव हा टी-20 बॅटिंग रँकिंगमध्ये अव्वलस्थानी कायम आहे.
Edited by - Satish Daud
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.