आगामी वनडे वर्ल्डकप २०२३ स्पर्धा सुरू व्हायला अवघे काही दिवस शिल्लक राहिले आहेत. या स्पर्धेतील पहिला सामना येत्या ५ ऑक्टोबर रोजी इंग्लंड आणि न्यूझीलंड या दोन्ही संघांमध्ये रंगणार आहे. या स्पर्धेपूर्वी आयसीसीने मोठी घोषणा केली आहे. या स्पर्धेसाठी आयसीसीने बक्षिसाची रक्कम जाहिर केली आहे.
पराभूत होणाऱ्या संघावरही होणार बक्षिसाचा वर्षाव..
वनडे वर्ल्डकप २०२३ स्पर्धा जिंकणाऱ्या संघावर पैशांचा वर्षाव केला जाणार आहे. स्पर्धेचे जेतेपद पटकावणाऱ्या संघाला ३३ कोटी १७ लाख रूपये इतकी रक्कम मिळणार आहे. तर उपविजेत्या संघाला १६ कोटी ५८ लाख रुपये इतकी रक्कम बक्षिस म्हणून दिली जाणार आहे.
वर्ल्डकप स्पर्धेतील एक सामना जिंकणाऱ्या संघाला ४० हजार डॉलर इतकी रक्कम बक्षिस म्हणून दिली जाणार आहे. तर साखळी फेरीतून बाहेर पडणाऱ्या संघाला १ लाख डॉलर इतकी रक्कम दिली जाणार आहे. (Latest sports updates)
सेमीफायनलमध्ये जाणाऱ्या संघाला किती मिळणार?
वर्ल्डकप स्पर्धेची सेमीफायनल गाठणाऱ्या संघावरही बक्षिसाचा वर्षाव केला जाणार आहे. टॉप ४ संघांना बक्षिस म्हणून ८ लाख डॉलर इतकी रक्कम दिली जाणार आहे. त्यामुळे वर्ल्डकप खेळणाऱ्या प्रत्येक संघाला बक्षिस मिळणार हे निश्चित आहे.
या स्पर्धेतील पहिला सामना ५ ऑक्टोबर रोजी अहमदाबादच्या नरेंद्र मोदी स्टेडियमवर रंगणार आहे. या सामन्यात इंग्लंड आणि न्यूझीलंड हे दोन्ही संघ आमने सामने येणार आहे. तर भारतीय संघाचा पहिला सामना ८ ऑक्टोबर रोजी ऑस्ट्रेलिया संघाविरूद्ध रंगणार आहे. हा सामना चेन्नईतील एमए चिदंबरम स्टेडियमवर खेळवला जाणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.