सात सीनिअर खेळाडू टीम इंडियात असतील तर...; जडेजाने काढला रोहित शर्मावर राग

नवी दिल्ली: ऑस्ट्रेलियात टी20 वर्ल्डकपमध्ये इंग्लंडने भारताचा सेमीफायनच्या सामन्यात 10 विकेट्स राखून दारूण पराभव केला. त्यानंतर सोशल मीडियासह क्रिडा विश्वात भारतीय खेळाडूंना ट्रोल केलं जात आहे. बीसीसीआयनेही (BCCI) टीम इंडियाला धारेवर धरलं आहे. अशातच टीम इंडियाचा माजी खेळाडू अजय जडेजाने या पराभवानंतर कर्णधार रोहित शर्मावर टीका केली आहे. (Ajay Jadeja criticises rohit sharma after losing in world cup 2022)

रोहित शर्माला याआधी झालेल्या वर्ल्डकपनंतर (T20 World Cup) क्रिकेटच्या सर्वात छोट्या फॉर्मेटची जबाबदारी दिली होती. एका वर्षानंतरही भारताची स्थिती बदललेली नाही. मागील वर्षीही भारताचा दहा विकेट्सने पराभव झाला आणि पहिल्या फेरीतच भारताचा पराभव झाला. यावर्षीही सेमीफायनलमध्ये भारताचा दारूण पराभव झाला. जडेजाने रोहितवर निशाणा साधून पराभवाचं कारण सांगितलं.

रोहित शर्मा वयोवृद्ध, अजय जडेजा म्हणाला...

अजय जडेजा म्हणाला, मी एकच गोष्ट बोलतो जी रोहित शर्माला चटका देईल. जर एका कर्णधाराला एक टीम बनवायची असेल, तर त्याला संपूर्ण वर्ष टीमसोबत राहावं लागतं. वर्षभरात रोहित शर्मा किती दौऱ्यांना गेला आहे, याबाबत मी आधीही बोललो आहे. तु्म्हाला टीम बनवायची आहे आणि तुम्हीच सोबत राहत नाही. कोचही न्यूझीलंडला जात नाहीत. घरात एकच सीनिअर असला पाहिजे. सात जण वयोवृद्ध असतील तरीही अडचणी येणार, टी20 वर्ल्डकपआधी रोहित शर्माला काही दौऱ्यांमध्ये विश्रांती दिली होती. आता टीम इंडियाला न्यूझीलंडला जायचं आहे, तर रोहितला आणि द्रविडला विश्रांती देण्यात आलीय.