ARG vs FRA : मेस्सी जैसा कोई नहीं... फायनलमध्ये गोल डागताच विक्रमाला गवसणी

FIFA World Cup, ARG vs FRA : अर्जेंटिनाच्या लियोनल मेस्सीची जगातल्या महान फुटबॉलपटूंमध्ये गणना होते. या खेळाडूचं नाव त्यांच्यात देशाचे म्हणजेच अर्जेंटिनाच्या डिएगो माराडोना आणि ब्राझीलच्या पेले या महान फुटबॉलपटूंच्या बरोबरीनं घेतलं जातं.

मेस्सी रविवारी फ्रान्सच्या विरुद्ध फीफा वर्ल्डकप २०२२ च्या अंतिम लढतीत मैदानात उतरला आणि त्यानं पेलेंच्या विक्रमाशी बरोबरी साधली. (FIFA World Cup 2022)

मेस्सीनं २३ व्या मिनिटालाच पेनल्टीला गोलमध्ये रुपांतरित करून अर्जेंटिनाला एका गोल फरकानं आघाडीवर नेलं. या गोलसोबतच मेस्सीनं वर्ल्डकप स्पर्धेत सर्वाधिक गोल डागणाऱ्या पेलेंच्या विक्रमाची बरोबरी केली.

पेलेच्या नावे फीफा वर्ल्डकप स्पर्धेत १२ गोल आहेत. मेस्सीने पेनल्टीला गोलमध्ये रुपांतरित करून वर्ल्डकप स्पर्धेत सर्वाधिक १२ गोल करणाऱ्या पेलेंच्या विक्रमाशी बरोबरी केली. (Lionel Messi)

या वर्ल्डकपमध्ये १२ गोलसह मेस्सीने आठ गोल डागण्यात आपल्या संघसहकाऱ्यांना मदतही केली. अशा पद्धतीने त्याने एकूण २० गोल करण्यात आपला मोलाचा वाटा उचलला. जे १९६६ पासून कोणत्याही एका खेळाडूनं दिलेलं हे सर्वात मोठं योगदान आहे.

फीफा वर्ल्डकपमध्ये सर्वाधिक गोल डागण्याचा विक्रम जर्मनीच्या मिरोस्लाव्ह क्लोजच्या नावावर आहे. त्याने २४ सामन्यांत १६ गोल केले होते. त्यानंतर ब्राझीलच्या रोनाल्डोचा क्रमांक लागतो. त्याने १९ सामन्यांत १५ गोल केले आहेत.