मुंबई: भारतरत्न आणि भारताच्या सूर सम्राज्ञी म्हणून प्रसिद्ध असलेल्या लता मंगेशकर यांचं आज मुंबईमध्ये निधन झालं आहे. वयाच्या 92 वर्षी त्यांनी अखेरचा श्वास घेतला. ब्रीच कँडी रुग्णालयात त्यांच्यावर उपचार सुरू असतानाच त्यांची प्राणज्योत मालवली. लता मंगेशकर (Lata Mangeshkar) यांच्या निधनामुळे संपूर्ण जगावर शोककळा पसरली आहे. आज रविवारी सकाळी 9.30 वाजण्याच्या सुमारास त्यांनी अखेरचा श्वास घेतला. देशभरातून त्यांना श्रद्धांजली वाहण्यात येत आहे. रातकीय, सामाजीक, सांस्कृतीक, संगीत क्षेत्रातून दु:ख व्यक्त केले जात आहे.
भारताचा माजी कर्णधार विराट कोहलीनेही (Virat Kohli) श्रद्धांजली वाहिली आहे. लताजींच्या निधनाची बातमी ऐकून खूप दु:ख झाले. त्यांच्या सुमधुर गाण्यांनी जगभरातील लाखो लोकांना मंत्रमुग्ध केले. सर्व संगीत आणि आठवणींसाठी धन्यवाद. कुटुंब आणि प्रियजनांना माझ्या मनापासून संवेदना. असे ट्विट करत कोहलीने श्रद्धांजली वाहिली आहे.
'भारतरत्न लता मंगेशकर दीदींच्या निधनाची बातमी ऐकून खूप दुःख झाले. त्यांचा आवाज आणि सूर अजरामर असतील. त्यांचे कुटुंब, मित्र आणि जगभरातील लाखो चाहत्यांसाठी माझ्या संवेदना. असे ट्विट करत भारताचा माजी फंलंदाज व्हीव्हीएस लक्ष्मणने श्रद्धांजली वाहिली आहे. त्याच भारतीय महिला संघाची कर्णधार मिताली राज, गौतम गंभीर, व्यंकटेश प्रसाद यांनी आदरांजली वाहिली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.