WATCH WTC Final 2023: एकाच चेंडूवर पडली गिल- पुजाराची विकेट; पाहा VIDEO

Shubhman Gill And Cheteshwar Pujara Wicket: शुभमन गिल आणि चेतेश्वर पुजारा एक सारख्याच चेंडूवर बाद झाल्याचं पाहायला मिळालं आहे.
cheteshwar pujara and shubman gill wicket
cheteshwar pujara and shubman gill wickettwitter

IND VS AUS WTC FINAL 2023: भारत आणि ऑस्ट्रेलिया दोन्ही संघांमध्ये वर्ल्ड टेस्ट चॅम्पियनशिप स्पर्धेचा अंतिम सामना सुरू आहे. या सामन्यात ऑस्ट्रेलियन फलंदाजांनी तुफान फटकेबाजी करत पहिल्या डावात ४६९ धावांचा डोंगर उभारला आहे.

प्रत्युत्तरात भारतीय फलंदाजांकडून चांगल्या कामगिरीची अपेक्षा होती. मात्र पहिल्या डावात भारतीय संघाचा टॉप ऑर्डर पत्त्यांच्या बंगल्याप्रमाणे कोसळला. शुभमन गिल आणि चेतेश्वर पुजारा एक सारख्याच चेंडूवर बाद झाल्याचं पाहायला मिळालं आहे.

cheteshwar pujara and shubman gill wicket
WTC Final 2023: टीम इंडियाला जिंकायचं असेल तर मोडावा लागेल १२१ वर्षांपूर्वीचा 'हा' मोठा रेकॉर्ड

गुरुवारी( ८ जून) ऑस्ट्रेलिया संघाचा डाव ४६९ धावांवर आटोपला. या धावांचा पाठलाग करताना भारतीय संघातील सलामी जोडी कडून चांगली सुरुवात करून देण्याची अपेक्षा होती. मात्र रोहित शर्मा अवघ्या १५ धावा करत माघारी परतला. त्याच्या पाठोपाठ शुभमन गिलने देखील १३ धावा करत पॅव्हेलियनची वाट धरली.

गिल - पुजारा एकसारख्या चेंडूवर बाद...

शुभमन गिलने नुकताच संपन्न झालेल्या आयपीएल २०२३ स्पर्धेत जोरदार कामगिरी केली आहे. त्याने या स्पर्धेत सर्वाधिक धावा करत ऑरेंज कॅप पटकावली आहे. या डावात देखील तो मोठी खेळी करेल असं वाटलं होतं.

मात्र तो अवघ्या १३ धावांवर माघारी परतला. तर झाले असे की, ऑस्ट्रेलिया संघाकडून ७ वे षटक टाकण्यासाठी स्कॉट बोलेंड गोलंदाजीला आला होता. या षटकातील चौथा चेंडू टप्पा पडून आत आला, जो शुभमन गिलला कळालाच नाही. हा चेंडू त्याची दांडी उडवून गेला. (Latest sports updates)

तर काउंटी क्रिकेट गाजवणारा चेतेश्वर पुजारा देखील या डावात फ्लॉप ठरला. १४ वे षटक टाकण्यासाठी कॅमेरून ग्रीन गोलंदाजीला आला होता. या षटकातील पाचवा चेंडू पुजाराने हुकवण्याचा प्रयत्न केला. मात्र त्याला या चेंडूचा अंदाज आला नाही. चेंडू टप्पा पडून आत आला आणि पुजाराची दांडी गुल करून गेला. पुजाराने या डावात अवघ्या १४ धावा केल्या. भारतीय संघाला पहिल्या डावात २९६ धावा करता आल्या होत्या.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam TV Marathi News | साम टीव्ही
saamtv.esakal.com