T20 World Cup 2024: T-20 WC साठी बांगलादेशचा संघ जाहीर! शाकिब अल हसन नव्हे तर या खेळाडूकडे नेतृत्वाची जबाबदारी

आगमी टी-२० वर्ल्डकप २०२४ स्पर्धा सुरु व्हायला अवघे काही दिवस शिल्लक आहेत. या स्पर्धेसाठी जवळपास सर्वच संघांनी आपल्या स्क्वॉडची घोषणा केली आहे. नुकताच बागंलादेश क्रिकेट बोर्डने टी-२० वर्ल्डकप २०२४ स्पर्धेसाठी आपल्या संघाची घोषणा केली आहे. या संघाचं कर्णधारपद शाकिब अल हसनकडे नव्हे तर नजमुल हुसैन शांतोकडे सोपवण्यात आलं आहे.

टी-२० वर्ल्डकप २०२४ स्पर्धेच्या पार्श्वभूमीवर बांगलादेशचा संघ झिम्बाब्वेविरुद्ध ५ टी-२० सामन्यांची मालिका खेळण्यासाठी मैदानावर उतरला होता. या मालिकेतील सुरुवातीच्या ४ सामन्यांमध्ये बांगलादेशने विजय मिळवला होता. तर शेवटच्या सामन्यात या संघाला पराभवाचा सामना करावा लागला होता. या मालिकेतही नेतृत्वाची जबाबदारी नजमुल हुसैन शांतोकडे देण्यात आली होती.

आयसीसी टी-२० वर्ल्डकप २०२४ स्पर्धेत बांगलादेशचा पहिला सामना ८ जून रोजी श्रीलंकेविरुद्ध होणार आहे. त्यानंतर १० जून रोजी दक्षिण आफ्रिका, १३ जून रोजी नेदरलँड आणि १७ जून रोजी नेपाळविरुद्ध होणार आहे.

टी -२० वर्ल्डकप २०२४ स्पर्धेसाठी असा आहे बांगलादेशचा संघ:

नजमुल हुसेन शांतो (कर्णधार ), तस्कीन अहमद, लिटन दास, सौम्य सरकार, तंजीद हसन तमीम, शाकिब अल हसन, तोहीद हृदयोय, महमूदुल्लाह रियाद, जेकर अली अनिक, तनवीर इस्लाम, शक महेदी हसन, रिशाद हुसेन, मुस्तफिजुर रहमान, शोरफुल इस्लाम, तंजीम हसन साकिब.

राखीव खेळाडू -  अफीफ हुसेन, हसन महमूद.