पांढऱ्या शुभ्र मोती कोणत्या राशींच्या व्यक्तींनी घालावा, काय होईल त्याचा फायदा !

मुंबई : सोनं-दागिने घालण्यासारखी आवड आपल्याला मोती घालण्याची देखील असते. त्यासाठी आपण मोतीची खरेदी करतो आणि त्याला आपल्या बोटात घालतो.

हे देखील पहा -

शास्त्रानुसार ज्या लोकांचा चंद्र ग्रह कमजोर किंवा अशुभ आहे ते मोती धारण करू शकतात. रत्ने माणसाला ग्रहांचा शुभ प्रभाव वाढवून जीवनात प्रगती करण्यास मदत करतात परंतु, आपल्या प्रगतीसाठी किंवा आवड म्हणून आपण कोणताही रत्न परिधान करु शकत नाही. अर्थात प्रत्येक रत्नाचे त्याच्या राशी व स्वामीनुसार अनेक बदल घडून येतात. आज आपण चंद्र ग्रहाशी संबंध असणाऱ्या मोतीविषयी जाणून घेऊया.

कोणत्या राशी मोती घालू शकतात

ज्या व्यक्तींना अधिक राग येतो किंवा जी व्यक्ती सतत चिंतेत असते अशा व्यक्तींना मोती घालण्याचा सल्ला बरेच जण देतात परंतु, आपण आपल्या राशीनुसार मोती घालयला हवे. कर्क राशीच्या व्यक्ती मोती घालू शकतात. तसेच वृश्चिक राशीच्या लोकांच्या कुंडलीत चंद्र हा भाग्याचा स्वामी आहे परंतु, या राशीत चंद्र दुर्बल होतो. त्यामुळे या राशीच्या लोकांनी मोती धारण करण्यासोबतच चंद्र यंत्र धारण करण्याचा सल्ला दिला जातो. मोती हा नेहमी चांदीत घालावा.

मोती धारण केल्याने फायदा (Benefits) कसा होतो

१. मन शांत आणि स्थिर राहण्यासाठी मोती धारण करणे चांगले मानले जाते. चंद्राचा आपल्या मनावर सर्वाधिक प्रभाव पडतो आणि मोत्यांचा संबंध चंद्राशी असल्याचे मानले गेले आहे.

२. मोती जर चुकीच्या राशींच्या व्यक्तींनी घातल्यास त्यांच्या आरोग्यावर (Health) परिणाम होतो. चंद्र मजबूत करण्यासाठी कर्क राशीच्या लोकांनी मोती घालावा. वेगवेगळ्या राशीनुसार मोतीचे फायदे व नुकसान होते.

डिस्क्लेमर: सदर लेख फक्त सामान्य माहितीसाठी आहे. याचा आमच्याशी कोणताही संबंध नाही.

Edited By - Komal Damudre