Shravani Somwar : हिंदू धर्मानुसार श्रावण महिन्याला अधिक महत्त्वाचे मानले जाते. या महिन्यात शंकराची विशेष पूजा व अर्चना केली जाते.
या महिन्यात सोमवारी शंकराला दूध, बेलपत्र, भांग व धतुरा याचा शिवलिंगावर अभिषेक केला जातो. काही लोक या दिवसात शंकराचे उपवास देखील करतात. या दिवसात शंकराची आराधना केल्यानंतर ते प्रसन्न होऊन शुभ फल देतात असे म्हटले जाते. तसेच त्यांच्या कृपेने घरात सुख-शांती व समृध्दी देखील नांदते. सोमवारी काही उपाय केल्यानंतर भगवान शंकर प्रसन्न होऊन आपल्या सर्व इच्छा पूर्ण करतात.
आज शेवटचा श्रावणी सोमवारमुळे शंकराला प्रसन्न कसे कराल जाणून घ्या
१. सोमवारी मनापासून शिवाची पूजा करावी. या दिवशी शिवलिंगावर चंदन, अक्षता, दूध, धतुरा, गंगाजल, बेलपत्र यांची फुले अर्पण करा.
२. भगवान शंकराला सोमवारी तूप, साखर आणि गव्हाच्या पिठाचा भोग अर्पण करावा. या दिवशी शिव चालीसा वाचून शिव आरतीही करावी. यामुळे घरात सुख-शांती राहते.
३. आज शेवटचा श्रावणी सोमवार असल्यामुळे जव ही शिवमूठ आहे. ही शिवमूठ शंकराच्या पिंडीला अर्पण करून मनोभावे पूजा करावी. तसेच बेलपत्र वाहून १०८ वेळा मंत्र म्हणावा.
४. मनोकामना पूर्ण होण्यासाठी प्रदोष कालची उपासना शुभ मानली जाते. प्रदोष काळात केलेल्या शिवपूजेने भोलेनाथ लवकर प्रसन्न होतात आणि भक्तांचे सर्व त्रास दूर करतात.
५. सोमवारी दान करणे देखील खूप महत्वाचे आहे. असे मानले जाते की, या दिवशी संध्याकाळी काळे तीळ आणि कच्चे तांदूळ दान केल्याने धन आणि धनाशी संबंधित समस्या दूर होतात. एवढेच नाही तर पितृदोषाचा प्रभावही कमी होतो.
७. चंद्रदोषाचा प्रभाव दूर करण्यासाठी सोमवारचा दिवसही खूप शुभ आहे. यासाठी सोमवारी चंदन लावावे व पांढरे वस्त्र परिधान करावे.
डिस्क्लेमर: सदर लेख फक्त सामान्य माहितीसाठी आहे. याचा आमच्याशी कोणताही संबंध नाही.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.